మన పత్రిక: అయాన్ ముఖర్జీ దర్శకత్వంలో రూపొందనున్న ‘బ్రహ్మాస్త్ర 2’ చిత్రంలో నటి దీపికా పదుకోణ్ నటించే అవకాశం ఉన్నట్లు సినీ వర్గాల్లో ప్రచారం జరుగుతోంది. ఆస్ట్రావర్స్లో అత్యంత కీలకమైన అమృత పాత్ర కోసం ఆమెతో దర్శకుడు చర్చలు జరుపుతున్నట్లు సమాచారం. అయితే దీపికా ఎంపికపై నిర్మాణ సంస్థ నుంచి ఇప్పటివరకు ఎలాంటి అధికారిక ప్రకటన వెలువడలేదు.
ఈ సీక్వెల్లో రణ్బీర్ కపూర్ శివ పాత్రలో, ఆలియా భట్ ఇషా పాత్రలో మళ్లీ కనిపించనున్నారు. ప్రస్తుతం ఈ ప్రాజెక్ట్కు సంబంధించిన స్క్రిప్ట్ పనులు, ప్రీ-ప్రొడక్షన్ శరవేగంగా సాగుతున్నాయి. రణ్బీర్ కపూర్ తన ‘రామాయణ పార్ట్ 2’ చిత్రీకరణ పూర్తి చేసిన తర్వాతే ఈ సినిమా సెట్స్పైకి వెళ్లనున్నారని, 2027 ఏప్రిల్లో షూటింగ్ ప్రారంభించేందుకు ప్రణాళికలు సిద్ధం చేస్తున్నారని తెలుస్తోంది.
2022లో విడుదలైన ‘బ్రహ్మాస్త్ర: పార్ట్ వన్ – శివ’ ప్రేక్షకులకు ఆస్ట్రావర్స్ ప్రపంచాన్ని పరిచయం చేసింది. మొదటి భాగం చివర్లో చూపించిన ‘దేవ్’ పాత్ర చుట్టూ ఉన్న రహస్యాలను రెండో భాగంలో ప్రధానంగా చూపించనున్నారని సమాచారం. ఈ క్రమంలోనే దీపికా పదుకోణ్ చేరికపై అధికారిక సమాచారం కోసం అభిమానులు ఎదురుచూస్తున్నారు.
Farooq Basha is a content writer with two years of experience covering education, jobs, politics, technology, entertainment, and current affairs. He writes clear, accurate, and easy-to-understand articles for everyday readers.