Gas cylinder price: సిలిండర్‌పై తగ్గింపు.. కొత్త ధరలు!

మన పత్రిక, వెబ్​డెస్క్: దేశవ్యాప్తంగా చమురు మార్కెటింగ్‌ సంస్థలు వాణిజ్య ఎల్పీజీ సిలిండర్‌ (19 కిలోలు) ధరను స్వల్పంగా తగ్గించాయి. సిలిండర్‌పై రూ. 5 మేర తగ్గింపును ప్రకటించాయి. ఈ కొత్త ధరలు నవంబర్‌ 1వ తేదీ నుంచే అమల్లోకి వచ్చాయి.

తాజా తగ్గింపుతో, ఢిల్లీలో వాణిజ్య సిలిండర్‌ ధర రూ. 1,595 నుంచి రూ. 1,590కి చేరింది. ఈ నిర్ణయం హోటళ్లు, రెస్టారెంట్లు వంటి వాణిజ్య వినియోగదారులకు కొంత ఉపశమనం కలిగించనుంది. అయితే, సబ్సిడీపై అందించే గృహ వినియోగ ఎల్పీజీ సిలిండర్‌ (14.2 కిలోలు) ధరల్లో మాత్రం ఎలాంటి మార్పులు చేయలేదని కంపెనీలు స్పష్టం చేశాయి. దీంతో గృహ వినియోగదారులకు నిరాశే ఎదురైంది.