నక్సలిజంపై పోరాటంలో కీలక మలుపు అని కేంద్ర హోంమంత్రి అమిత్ షా పేర్కొన్నారు. ఛత్తీస్‌గఢ్‌లో ఇవాళ 170 మంది నక్సలైట్లు సరెండర్ అయ్యారు. ఈ సంఘటనను ఒక ల్యాండ్‌మార్క్ డే గా అభివర్ణించారు.
అమిత్ షా ట్వీట్ చేసిన వివరాల ప్రకారం, 2024 జనవరి నుంచి ఇప్పటి వరకు 2,100 మంది నక్సలైట్లు సరెండర్ అయ్యారు. అలాగే, 1,785 మంది అరెస్టయ్యారు. 477 మంది హతమయ్యారు. ఇవన్నీ నక్సలిజం అంతరించే దిశలో ఉన్న ప్రయత్నాలకు నిదర్శనాలు అని పేర్కొన్నారు.
అభూజ్‌మఢ్, నార్త్ బస్తర్ ప్రాంతాలు ఇప్పుడు నక్సల్ టెర్రర్ నుంచి విముక్తి పొందాయని కూడా అమిత్ షా తెలిపారు. ఇది రాష్ట్రంలో శాంతి పునరుద్ధరణకు ఒక ముఖ్యమైన అడుగు.
మరోవైపు, కేంద్రం లక్ష్యం 2026 మార్చి 31 లోపు నక్సలిజం అంతరించేలా చేయడం. ఈ నంబర్లు ఆ లక్ష్యం దిశగా ముందుకు సాగుతున్నామని చెబుతున్నాయి.
► Read latest Telugu News
► Follow us on Google News