Bigg Boss 9 Telugu Nagarjuna Remuneration: బిగ్ బాస్ 9 కి నాగార్జున రెమ్యూనరేషన్ ఎంతంటే?

తెలుగు బిగ్ బాస్ సీజన్ 9 హోస్ట్ గా నాగార్జున మరోసారి వ్యవహరిస్తున్నాడు. ఇప్పటికే 8 సీజన్లు విజయవంతం చేసిన నాగార్జున, ఈ సీజన్ కూడా సక్సెస్ చేయడానికి సిద్ధంగా ఉన్నాడు. షోకి సంబంధించిన ప్రోమోలో ఆయన హైపర్ అండ్ ఎగ్జైటెడ్ గా కనిపించడంతో ప్రేక్షకుల్లో ఆసక్తి భారీగా పెరిగింది.

ఈ సీజన్ కోసం నాగార్జున దాదాపు 3 కోట్ల రూపాయల రెమ్యూనరేషన్ తీసుకుంటున్నట్లు సమాచారం. దాదాపు 20 రోజుల పాటు షూటింగ్ కోసం తన డేట్స్ కేటాయించిన నాగార్జునకు ఈ రెమ్యూనరేషన్ చాలా అనువుగా ఉంది. ఇటీవల తమిళంలో వచ్చిన ‘కూలీ’ సినిమాతో పాన్ ఇండియా స్థాయిలో గుర్తింపు సంపాదించుకున్న నాగార్జునను బిగ్ బాస్ యాజమాన్యం వదిలిపెట్టడానికి ఇష్టపడకుండా, అధిక రెమ్యూనరేషన్ ఇచ్చి మళ్లీ హోస్ట్ గా తీసుకురావడం విశేషం.