Bengaluru crime news: సర్‌ప్రైజ్ పేరుతో ప్రియుడి సజీవదహనం

మన పత్రిక, బెంగళూరు: సర్‌ప్రైజ్ పేరుతో ప్రియుడిని ఓ యువతి సజీవదహనం చేసిన దారుణ ఘటన బెంగళూరు నగరంలో వెలుగుచూసింది. ఈ కిరాతక చర్యలో 27 ఏళ్ల కిరణ్ మంటల్లో కాలిపోయి ప్రాణాలు కోల్పోయాడు. నిందితురాలు ప్రేమను పోలీసులు అదుపులోకి తీసుకున్నారు.

ఒకే టెలికాం స్టోర్‌లో పనిచేస్తున్న వీరిద్దరూ ఏడాదిగా ప్రేమలో ఉన్నారు. పెళ్లి చేసుకోకుండా కిరణ్ తనను నిర్లక్ష్యం చేస్తున్నాడనే అనుమానంతో ఆమె ఈ హత్యకు పథకం వేసింది. మంగళవారం మధ్యాహ్నం ఇంట్లో ఎవరూ లేని సమయంలో కిరణ్‌ను రప్పించి, కళ్లకు గంతలు కట్టి కుర్చీకి బంధించింది. అనంతరం పెట్రోల్ పోసి నిప్పంటించడమే కాకుండా, కాలిపోతున్న దృశ్యాలను మొబైల్‌లో వీడియో తీయడం కలకలం రేపింది.

మొదట ఈ దారుణాన్ని ప్రమాదంగా చిత్రించేందుకు నిందితురాలు ప్రయత్నించింది. అయితే పోలీసుల అనుమానంతో చేసిన విచారణలో అసలు నిజం అంగీకరించడంతో కేసు నమోదు చేసి దర్యాప్తు చేస్తున్నారు.