ఢిల్లీలో విద్యార్థులపై లాఠీఛార్జీని ఖండించిన అభిజీత్ దీప్కే తల్లి అనిత

మన పత్రిక: న్యూఢిల్లీలో నిరసన తెలుపుతున్న విద్యార్థులపై పోలీసులు లాఠీఛార్జీ చేయడం అత్యంత బాధాకరమని Cockroach Janta Party (CJP) వ్యవస్థాపకుడు Abhijeet Dipke తల్లి అనిత దీప్కే ఆవేదన వ్యక్తం చేశారు. విద్యార్థులను కంటికి రెప్పలా చూసుకోవాల్సిన ప్రభుత్వం, వారిపై దారుణంగా దాడులు చేయడం సరికాదని పేర్కొన్నారు. అదుపులోకి తీసుకున్న విద్యార్థులను వెంటనే విడుదల చేయాలని, వారి డిమాండ్లను ప్రభుత్వం ఆలకించాలని ఆమె విజ్ఞప్తి చేశారు.

ఛత్రపతి శంభాజీనగర్‌లో మీడియాతో అనిత దీప్కే మాట్లాడుతూ, శాంతియుతంగా ఆందోళన చేస్తున్న విద్యార్థులపై పోలీసులు విచక్షణారహితంగా వ్యవహరించారని ఆరోపించారు. నీట్ పేపర్ లీక్ వ్యవహారంలో కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని డిమాండ్ చేస్తూ సిజెపి ఆధ్వర్యంలో పార్లమెంట్ వీధిలో ‘సంసద్ చలో’ మార్చ్ నిర్వహించిన సమయంలో ఈ ఘటన జరిగింది. విద్యార్థులపై టియర్ గ్యాస్ ప్రయోగించి, లాఠీలతో కొట్టడం వల్ల పలువురు తీవ్రంగా గాయపడ్డారని ఆమె ఆందోళన వ్యక్తం చేశారు.

ప్రభుత్వం విద్యార్థుల డిమాండ్లను పట్టించుకోకుండా కాలయాపన చేస్తోందని అనిత దీప్కే విమర్శించారు. నెల రోజులుగా శాంతియుతంగా నిరసన తెలుపుతున్నప్పటికీ ప్రభుత్వం స్పందించకపోవడమే పరిస్థితి తీవ్రతరం కావడానికి కారణమని అన్నారు. ఎన్సీపీ నేత శరద్ పవార్, శివసేన (యుబిటి) అధ్యక్షుడు ఉద్ధవ్ థాకరే, సామాజిక కార్యకర్త మనోజ్ జరాంగే వంటి నాయకుల సందర్శన నిరసనకారులకు కొంత ధైర్యాన్ని ఇచ్చిందని తెలిపారు. అరెస్టు చేసిన విద్యార్థులను వెంటనే విడుదల చేసి సమస్యను పరిష్కరించాలని ఆమె డిమాండ్ చేశారు.

Rajendar Degavath

Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.