Vijay Devarakonda: రణబాలి షూటింగ్.. విజయ్ దేవరకొండ ఫైట్ సీన్ లీక్

మన పత్రిక: రాహుల్ సంకృత్యన్ దర్శకత్వంలో విజయ్ దేవరకొండ నటిస్తున్న భారీ పీరియడ్ యాక్షన్ డ్రామా ‘రణబాలి’ సినిమా షూటింగ్ స్పాట్ నుంచి తాజాగా ఒక వీడియో లీకైంది. ప్రస్తుతం అనంతపురంలో శరవేగంగా జరుగుతున్న ఈ చిత్రీకరణకు సంబంధించిన ఫుటేజీలో విజయ్ మునుపెన్నడూ చూడని ఇంటెన్స్ లుక్‌లో, ఉగ్రరూపంతో కనిపిస్తున్నారు.

లీకైన ఈ పవర్‌ఫుల్ యాక్షన్ సీక్వెన్స్‌లో ఆయన వాయిస్ మోడ్యులేషన్, డైలాగ్ డెలివరీ పీక్స్‌లో ఉన్నాయని అభిమానులు భావిస్తున్నారు. ఊర మాస్ డైలాగులతో పాటు ఆయన బాడీ లాంగ్వేజ్ కెరీర్‌లోనే బెస్ట్‌గా నిలుస్తుందని అంచనా వేస్తున్నారు. ‘ట్యాక్సీవాలా’ తర్వాత వస్తున్న ఈ కాంబినేషన్ సినిమాలో రష్మిక మందన్న కథానాయికగా నటిస్తుండటంతో అంచనాలు పెరిగాయి.

ఈ వీడియో చూసి ఫ్యాన్స్ ఖుషీ అవుతున్నప్పటికీ, మేకర్స్ మాత్రం లీకుల బెడదపై ఆందోళన వ్యక్తం చేస్తున్నారు. రష్మికతో కలిసి విజయ్ ఈ చిత్రంతో బిగ్గెస్ట్ బ్లాక్‌బస్టర్ కొట్టడం ఖాయమని అభిమానులు బలంగా విశ్వసిస్తున్నారు.