హైదరాబాద్‌లో డ్రంక్ అండ్ డ్రైవ్.. 304 వాహనాలు సీజ్

మన పత్రిక, వెబ్​డెస్క్: నూతన సంవత్సర (2026) వేడుకల నేపథ్యంలో హైదరాబాద్ పోలీసులు ఆంక్షలు కఠినతరం చేశారు. మందుబాబుల ఆగడాలకు చెక్ పెట్టేందుకు నగరవ్యాప్తంగా డ్రంక్ అండ్ డ్రైవ్ సోదాలు ముమ్మరం చేశారు. ఇందులో భాగంగా నిన్న ఒక్క రాత్రే రికార్డు స్థాయిలో 304 వాహనాలను (కార్లు, బైకులు) సీజ్ చేసినట్లు పోలీసులు వెల్లడించారు.

మద్యం సేవించి వాహనం నడిపితే రూ. 10,000 జరిమానా, ఆరు నెలల జైలు శిక్ష తప్పదని అధికారులు హెచ్చరించారు. నేరం తీవ్రతను బట్టి డ్రైవింగ్ లైసెన్స్ కూడా రద్దవుతుందని స్పష్టం చేశారు. వేడుకల సమయంలో క్యాబ్ సేవలను వినియోగించుకోవాలని, ప్రమాద రహితంగా కొత్త ఏడాదికి స్వాగతం పలకాలని పోలీసులు నగరవాసులకు సూచించారు.