మన పత్రిక, వెబ్డెస్క్: ప్రముఖ దర్శకుడు వేణు ఉడుగుల (Venu Udugula) ‘రజాకార్’ చిత్రంపై సంచలన వ్యాఖ్యలు చేశారు. ఆ సినిమా చరిత్రను ఉన్నది ఉన్నట్లుగా చూపించడానికి తీసింది కాదని, అది పూర్తిగా భారతీయ జనతా పార్టీ (BJP) రాజకీయ ఎజెండాలో భాగమని తీవ్ర స్థాయిలో ఆరోపించారు.
చరిత్రను మానవీయ కోణంలో చెప్పాలి కానీ, ఒక వర్గాన్ని టార్గెట్ చేస్తూ నెగటివ్గా చూపించడం సరికాదన్నారు. రజాకార్లలో కేవలం ముస్లింలే కాకుండా ఇతరులు కూడా ఉన్నారని, సాయుధ పోరాటం గురించి తెలిసిన చరిత్రకారులను గానీ, సాక్షులను గానీ సంప్రదించకుండానే ఈ సినిమాను తెరకెక్కించారని విమర్శించారు.
కాగా, బీజేపీ నేత గూడూరు నారాయణరెడ్డి నిర్మించిన ఈ చిత్రం బాక్సాఫీస్ వద్ద పరాజయం పాలైన విషయం తెలిసిందే. ‘విరాటపర్వం’ దర్శకుడి వ్యాఖ్యలు ఇప్పుడు సినీ, రాజకీయ వర్గాల్లో చర్చనీయాంశమయ్యాయి.
Mana Patrika Web Desk is our editorial team covering breaking news, education, jobs, politics, technology, entertainment, and current affairs. The team publishes clear, accurate, and reader-friendly updates after reviewing information from reliable sources.