మహేష్ బాబు కథానాయకుడిగా ఎస్ఎస్ రాజమౌళి దర్శకత్వంలో రూపుదిద్దుకుంటున్న అడ్వెంచర్ చిత్రం వారాణాసి విడుదల తేదీ మార్పుపై సామాజిక మాధ్యమాల్లో రకరకాల ప్రచారాలు జరుగుతున్నాయి. ఈ సినిమాను వచ్చే ఏడాది ఏప్రిల్ 7న థియేటర్లలో విడుదల చేయనున్నట్లు గతంలో నిర్మాతలు ప్రకటించారు. అయితే తాజా సమాచారం ప్రకారం ఈ చిత్రం చెప్పిన సమయానికి కాకుండా వాయిదా పడే అవకాశం ఉందనే ఊహాగానాలు వినిపిస్తున్నాయి.
ఈ సినిమాను వచ్చే ఏడాది ఆగస్టులో విడుదల చేసేందుకు నిర్మాతలు ఆలోచిస్తున్నట్లు ప్రచారం సాగుతోంది. ఆగస్టు 9న మహేష్ బాబు పుట్టినరోజు ఉండటంతో అదే నెలాఖరులో లేదా ఆయన పుట్టినరోజు సందర్భంగా ఈ సినిమాను ప్రేక్షకుల ముందుకు తీసుకువచ్చే అవకాశం ఉందనే వార్తలు వచ్చాయి. అయితే ఈ వాయిదా వార్తలపై చిత్ర బృందం నుంచి ఎలాంటి అధికారిక ప్రకటన రాలేదు. విడుదల తేదీపై స్పష్టత రావాలంటే నిర్మాతల ప్రకటన వరకు వేచి చూడాల్సిందే.
నటీనటుల వివరాలు
ఈ సినిమాలో మహేష్ బాబు రుద్ర పాత్రలో కనిపిస్తారు. రామాయణం ఆధారంగా ఉండే ఒక ప్రత్యేక సన్నివేశంలో ఆయన శ్రీరాముడిగా కూడా కనిపించనున్నారని సమాచారం. ప్రియాంక చోప్రా మందాకిని పాత్రను పోషిస్తుండగా, మలయాళ నటుడు పృథ్వీరాజ్ సుకుమారన్ కుంభ అనే ముఖ్యమైన పాత్రలో నటించనున్నారు.
Mana Patrika Web Desk is our editorial team covering breaking news, education, jobs, politics, technology, entertainment, and current affairs. The team publishes clear, accurate, and reader-friendly updates after reviewing information from reliable sources.