భారతదేశానికి వచ్చే విదేశీ పౌరుల కోసం కేంద్ర ప్రభుత్వం వీసా నిబంధనలలో కీలక మార్పులు తీసుకొచ్చింది. విదేశీ పర్యాటకులు, పెట్టుబడిదారులు మరియు విద్యార్థులకు ప్రయాణాన్ని మరింత సులభతరం చేసేందుకు కేంద్ర హోం మంత్రిత్వ శాఖ ప్రధాన వీసా కేటగిరీల సంఖ్యను 13 నుంచి 9కి తగ్గించింది. అలాగే వీటిలోని సబ్ కేటగిరీలను 49 నుంచి 23కి కుదించడంతో పాటు దరఖాస్తు ఫారమ్ పరిమాణాన్ని దాదాపు 65 నుంచి 70 శాతానికి తగ్గించారు.
ప్రధాన కేటగిరీలలో మార్పులు
సవరించిన నూతన వ్యవస్థ ప్రకారం విదేశీయులు ఇప్పుడు బిజినెస్, డిప్లొమాటిక్, వర్క్, జర్నలిస్ట్, మెడికల్, అఫీషియల్, స్టూడెంట్, విజిటర్ మరియు మిస్సేలేనియస్ అనే తొమ్మిది ప్రధాన విభాగాల కింద దరఖాస్తు చేసుకోవచ్చు. ఇందులో భాగంగా గతంలో ఉన్న టూరిస్ట్ వీసా పేరును విజిటర్ వీసాగా మార్చారు. ఒకే ప్రయాణంలో సెలవులతో పాటు వైద్య పరీక్షలు, సాంస్కృతిక కార్యక్రమాలు లేదా వ్యాపార సమావేశాల్లో పాల్గొనేందుకు ఈ మార్పు వీలు కల్పిస్తుంది.
విద్యార్థులు, వైద్య పర్యాటకులకు ఊరట
స్టడీ ఇన్ ఇండియా పోర్టల్ ద్వారా నమోదు చేసుకునే అంతర్జాతీయ విద్యార్థులకు ఐదేళ్ల వరకు చెల్లుబాటయ్యే మల్టిపుల్ ఎంట్రీ స్టూడెంట్ వీసాలు లభిస్తాయి. దీనివల్ల వారు తమ చదువుల సమయంలో సొంత దేశాలకు వెళ్లడం సులభమవుతుంది. స్వల్పకాలిక వ్యాపార పర్యటనలు, వైద్యం మరియు వెల్నెస్ సేవల కోసం భారత్‌కు వచ్చే విదేశీయులకు కూడా ఈ కొత్త నిబంధనల వల్ల ప్రక్రియ వేగవంతం కానుంది.
Rohith is a Chief Editor with 3 years of experience in writing news articles on topics like education, jobs, and politics clear, and engaging stories that are easy to understand and hold the reader’s interest making complex topics accessible and relatable to a larger audience.