మన పత్రిక: ఓటీటీ ప్లాట్ఫామ్ నెట్ఫ్లిక్స్లో ఒక సెలబ్రిటీ టాక్ షో ద్వారా మెగాస్టార్ చిరంజీవి డిజిటల్ అరంగేట్రం చేయడానికి సన్నాహాలు జరుగుతున్నట్లు సినీ వర్గాల సమాచారం. ఈ కార్యక్రమానికి సంబంధించి చిరంజీవి బృందానికి, నెట్ఫ్లిక్స్ సంస్థకు మధ్య చర్చలు ముగింపు దశకు చేరుకున్నాయని నెటిజన్లలో జోరుగా ప్రచారం సాగుతోంది.
ఈ టాక్ షో కోసం నెట్ఫ్లిక్స్ సంస్థ చిరంజీవికి దాదాపు రూ. 200 కోట్ల వరకు పారితోషికం ఆఫర్ చేసినట్లు ప్రచారం జరుగుతోంది. అయితే ఈ ఒప్పందంపై కానీ, ప్రతిపాదించిన పారితోషికం మొత్తంపై కానీ నెట్ఫ్లిక్స్ లేదా చిరంజీవి బృందం నుంచి ఇప్పటివరకు ఎటువంటి అధికారిక ప్రకటన వెలువడలేదు.
షో నిర్వహణ వివరాలు
నందమూరి బాలకృష్ణతో ‘అన్స్టాపబుల్’ షోకు పనిచేసిన బి.వి.ఎస్. రవి ఈ కొత్త టాక్ షోను రూపకల్పన చేస్తున్నట్లు తెలిసింది. ఈ కార్యక్రమ నిర్మాణ బాధ్యతలను చిరంజీవి కుమార్తె సుష్మిత కొణిదెల పర్యవేక్షిస్తున్నారని పరిశ్రమ వర్గాలు చెబుతున్నాయి. ఈ షోలో చలనచిత్ర రంగానికి చెందిన ప్రముఖులు పాల్గొని తమ వ్యక్తిగత, వృత్తిపరమైన అనుభవాలను పంచుకోనున్నారు.
మరోవైపు చిరంజీవి ప్రస్తుతం బాబీ కొల్లి దర్శకత్వంలో రూపొందుతున్న ‘కాకా’ చిత్రంలో నటిస్తున్నారు. ఈ సినిమాను 2027 సంక్రాంతి కానుకగా విడుదల చేసేందుకు చిత్ర బృందం ప్రణాళికలు రచిస్తోంది.
Mana Patrika Web Desk is our editorial team covering breaking news, education, jobs, politics, technology, entertainment, and current affairs. The team publishes clear, accurate, and reader-friendly updates after reviewing information from reliable sources.