మన పత్రిక: కన్నడ నటుడు యశ్ నటించిన ‘టాక్సిక్: ఏ ఫెయిరీ టేల్ ఫర్ గ్రోన్-అప్స్’ చిత్రం థియేటర్లలో విడుదలైన సందర్భాన్ని పురస్కరించుకుని అభిమానులు కర్ణాటకతో పాటు హైదరాబాద్, ముంబై నగరాల్లో భారీ సంబరాలు నిర్వహించారు. సుదీర్ఘ విరామం తర్వాత యశ్ కొత్త సినిమా విడుదల కావడం వల్ల మొదటి రోజు ప్రదర్శనలకు ప్రేక్షకులు పెద్ద సంఖ్యలో తరలివచ్చారు.
బెంగళూరులోని నర్తకి థియేటర్ దగ్గర భారీగా చేరుకున్న అభిమానులు ఉదయం ఆటల నుంచే సందడి చేశారు. హైదరాబాద్లోని సుదర్శన్, దేవి థియేటర్ల వద్ద యశ్ భారీ కటౌట్ను ఏర్పాటు చేసి అభిమానులు ప్రత్యేక ప్రదర్శనలు వీక్షించారు. బెంగళూరు, రాయచూరు, చిత్రదుర్గ, దావణగెరె, గదగ్, బెళగావి వంటి ప్రాంతాలలో బ్యానర్లు, కటౌట్లు, ప్రత్యేక టీ-షర్టులు, బాణసంచా కాలచడంతో పాటు ర్యాలీలతో కోలాహలం నెలకొంది.
వివిధ నగరాల్లో వెల్లువెత్తిన ఉత్సాహం
రాయచూరులోని ఐనాక్స్ మాల్లోని మూడు స్క్రీన్లలో ప్రదర్శితమైన ఆటలన్నీ హౌస్ఫుల్ కాగా, పొరుగు ప్రాంతాల నుంచి కూడా అభిమానులు సినిమాను చూసేందుకు వచ్చారు. చిత్రదుర్గలోని బసవేశ్వర, వేంకటేశ్వర థియేటర్లను బ్యానర్లతో అలంకరించి, తెరపై యశ్ కనిపించిన సమయంలో పూలవర్షం కురిపించారు. దావణగెరెలోని త్రిశూల్, త్రినేత్ర థియేటర్ల వద్ద ఉదయం 6 గంటలకే ఫ్యాన్ షోలు ప్రారంభమయ్యాయి. అక్కడ నాసిక్ ధోల్ వాయిద్యాలు, బాణసంచా మధ్య అభిమానులు వేడుకలు చేసుకున్నారు.
గదగ్లోని మహాలక్ష్మి థియేటర్తో పాటు బెళగావిలోనూ అభిమానులు పెద్ద సంఖ్యలో హాజరయ్యారు. బెళగావిలో మొదటి రోజు మొదటి ఆటను చూసేందుకు కొందరు అభిమానులు దాదాపు 40 కిలోమీటర్ల దూరం ప్రయాణించి వచ్చినట్లు తెలిపారు.
Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.