మన పత్రిక: మాస్ మహారాజా రవితేజ కథానాయకుడిగా నటిస్తున్న ‘ఇరుముడి’ చిత్రం థియేటర్లలో విడుదల కావడానికి ముందే అడ్వాన్స్ బుకింగ్స్లో మంచి స్పందన సాధిస్తోంది. శివ నిర్వాణ దర్శకత్వం వహించిన ఈ సినిమా రేపు ప్రేక్షకుల ముందుకు రానుంది. సమీక్షలు చూసిన తర్వాతే థియేటర్లకు వెళ్లే ధోరణి ఇటీవల పెరిగినప్పటికీ, ఈ చిత్రం ఆ ట్రెండ్ను దాటుకుని పట్టణాలు, గ్రామీణ ప్రాంతాల్లో మెరుగైన ఆదరణ పొందుతోందని ట్రేడ్ వర్గాలు తెలిపాయి.
విదేశీ మార్కెట్లలో రవితేజ కెరీర్లోనే ఇది అతిపెద్ద ఓపెనింగ్లలో ఒకటిగా నిలిచే అవకాశం ఉందని అంచనా వేస్తున్నారు. ఒక్క ఉత్తర అమెరికాలోనే అడ్వాన్స్ టికెట్ విక్రయాలు ఇప్పటికే 2.25 లక్షల డాలర్ల (225కే (K)) మార్కును దాటగా, బుకింగ్స్ ఇంకా పెరుగుతూనే ఉన్నాయి. ఇక దేశీయంగా హైదరాబాద్లో పలు షోలు దాదాపు నిండిపోగా, ఆన్లైన్లో లక్షకు పైగా టికెట్లు అమ్ముడయ్యాయి.
కుటుంబ భావోద్వేగాలు, అయ్యప్ప దీక్ష, క్రైమ్ అంశాల మేళవింపుగా ఈ సినిమా రూపుదిద్దుకుంది. రవితేజ సాధారణంగా చేసే మాస్ చిత్రాలకు భిన్నంగా ఈ కథ సాగనుంది. ఇప్పటికే విడుదలైన పాటలు, ట్రైలర్కు మంచి స్పందన రావడం మూవీపై ఆసక్తిని పెంచింది. తెలుగు రాష్ట్రాలతో పాటు విదేశాల్లోనూ బుకింగ్స్ జోరుగా సాగుతుండటంతో మొదటి రోజు మంచి వసూళ్లు వస్తాయని భావిస్తున్నారు. అయితే సినిమా ఆఖరి ఫలితం థియేటర్లలో ప్రేక్షకుల స్పందనపై ఆధారపడి ఉంటుంది.
Farooq Basha is a content writer with two years of experience covering education, jobs, politics, technology, entertainment, and current affairs. He writes clear, accurate, and easy-to-understand articles for everyday readers.