Bigg Boss Telugu 9 contestents : 6 సామాన్యులు, 9 సెలబ్రిటీలు – హౌస్ లోకి ఎంట్రీ ఇచ్చిన 15 మంది లిస్ట్ ఇదే

Bigg Boss Telugu 9 contestents : బిగ్ బాస్ తెలుగు సీజన్ 9 ( Biggboss 9 telugu ) కొత్త కాన్సెప్ట్ తో ప్రారంభమైంది. సామాన్యులు (కామనర్స్) మరియు సెలబ్రిటీల మధ్య పోటీ ఈ సీజన్ ప్రత్యేకత. ఈ కాన్సెప్ట్ కోసం ‘అగ్నిపరీక్ష’ అనే ప్రీ-షో నిర్వహించారు. బిగ్ బాస్ మాజీ కంటెస్టెంట్లు బిందు మాధవి, నవదీప్, అభిజీత్ జడ్జ్ లుగా వ్యవహరించారు. మొత్తం 45 మంది పాల్గొనగా, మానసిక, శారీరక పరీక్షల్లో ఉత్తీర్ణత సాధించిన 15 మందిని ఎంపిక చేశారు. వారిలో 6 మంది కామనర్స్, 9 మంది సెలబ్రిటీలు ఉన్నారు.

కామనర్స్ గా స్రిజా దమ్ము, ప్రియ, డెమన్ పవన్, హరిటా హరిష్, పవన్ కల్యాణ్ పడాల, మర్యాద మణీష్ హౌస్ లోకి ఎంట్రీ ఇచ్చారు. వీరికి ప్రధాన హౌస్ కేటాయించారు. సెలబ్రిటీ కంటెస్టెంట్స్ గా సంజ్ఞాన గల్రాణి, సుమన్ సెట్టి, తనూజ పుట్టస్వామి, ఫ్లోరా సైనీ, జబర్దస్త్ ఇమ్మానుయేల్, రితు చౌదరి, భరణి శంకర్, శ్రేష్టి వర్మ, రాము రాథోడ్ లను ఎంపిక చేశారు. వీరికి సౌకర్యాలు తక్కువగా ఉన్న రెండో హౌస్ కేటాయించారు.

గ్రాండ్ లాంచ్ ఎపిసోడ్ లో నాగార్జున ట్విస్ట్ ఇచ్చాడు. కామనర్ కంటెస్టెంట్ ప్రియకు కిచెన్ బాధ్యతలు చూసుకునే సెలబ్రిటీని ఎంపిక చేయమని చెప్పాడు. ప్రియ సంజ్ఞాన గల్రాణిని ఎంపిక చేసింది. దీంతో హౌస్ లో మొదటి రోజే ఉద్రిక్తత నెలకొంది. ఈ సీజన్ కామనర్స్ వర్సెస్ సెలబ్రిటీస్ ఫార్మాట్ తో ఎక్కువ ఎంటర్ టైన్ మెంట్ ఇస్తుంది. ప్రేక్షకులు ఎవరి పక్షాన నిలుస్తారో, ఎవరు విజేతగా నిలుస్తారో చూడాలి.