మన పత్రిక, హైదరాబాద్: హైదరాబాద్లోని అత్యంత ప్రతిష్టాత్మకమైన వీఐపీ ప్రాంతమైన బంజారాహిల్స్లో భారీ దోపిడీ చోటుచేసుకుంది. ఒక ప్రముఖ ఎక్స్పోర్టు కార్యాలయాన్ని లక్ష్యంగా చేసుకున్న దుండగులు, అత్యంత పక్కా ప్రణాళికతో లాకర్లో భద్రపరిచిన కిలోకు పైగా బంగారు, వజ్రాల ఆభరణాలను అపహరించారు. శనివారం రాత్రి వాష్రూమ్ కిటికీని పగులగొట్టి లోపలికి చొరబడిన దుండగులు ఈ చోరీకి పాల్పడ్డారు. సోమవారం ఉదయం కార్యాలయాన్ని తెరిచేసరికి ఈ ఘటన వెలుగులోకి వచ్చింది.
డైమండ్ ఫిక్సింగ్ కోసం తెచ్చిన సొత్తు
సూరత్కు చెందిన ఒక జ్యువెలరీ వ్యాపారి బంజారాహిల్స్లో ఈ కార్యాలయాన్ని నిర్వహిస్తున్నారు. వజ్రాలను అమర్చే ప్రత్యేక పని నిమిత్తం సూరత్ నుంచి తెచ్చిన 7 విలాసవంతమైన నెక్లెస్లు, వాటికి జతగా ఉన్న 7 జతల చెవిపోగులను లాకర్లో భద్రపరిచారు. అపహరణకు గురైన ఆభరణాల బరువు మొత్తం 1.028 కిలోలుగా నిర్వాహకులు గుర్తించారు. కార్యాలయ ప్రధాన ద్వారాలకు బలమైన సెక్యూరిటీ ఉండటంతో, దుండగులు ఆఫీసు వెనుక భాగంలో ఉన్న వాష్రూమ్ కిటికీని ధ్వంసం చేసి లోపలికి ప్రవేశించినట్లు పోలీసులు ప్రాథమికంగా నిర్ధారించారు. బాధితుడి ఫిర్యాదు మేరకు కేసు నమోదు చేసిన పోలీసులు, సీసీటీవీ ఫుటేజ్ను పరిశీలిస్తూ ఇన్సైడర్ హ్యాండ్ లేదా ప్రొఫెషనల్ గ్యాంగ్ ప్రమేయంపై దర్యాప్తు చేస్తున్నారు.
Farooq Basha is a content writer with two years of experience covering education, jobs, politics, technology, entertainment, and current affairs. He writes clear, accurate, and easy-to-understand articles for everyday readers.