మన పత్రిక, హైదరాబాద్: హిందువులు అత్యంత భక్తిశ్రద్ధలతో జరుపుకునే పండుగ హనుమాన్ జయంతి. ఈ పవిత్రమైన రోజున రామదూత అయిన హనుమంతునికి భక్తులు విశేష పూజలు నిర్వహిస్తారు. పండుగ సందర్భంగా హనుమాన్ చాలీసా పఠించడంతో పాటు రామనామ జపం చేస్తారు. శ్రీరాముని పట్ల హనుమకు ఉన్న అచంచలమైన భక్తిని ఆయన భక్తులు సైతం విశేషంగా ఆరాధిస్తారు.
ఆంజనేయుడు, మారుతి, బజరంగీ, పవన తనయ వంటి అనేక పేర్లతో పిలిచే స్వామి ధైర్యం, విధేయత, నమ్మకం, నిస్వార్థత, తెలివి వంటి గొప్ప సద్గుణాలకు ప్రతీక. ఈ పండుగ సందర్భంగా బంధుమిత్రులకు శుభాకాంక్షలు పంపేందుకు పలు శక్తిమంతమైన శ్లోకాలను ఇక్కడ పొందుపరిచారు.
గ్రహదోష నివారణకు ‘మర్కటేశ మహోత్సాహా’ శ్లోకం, ఆరోగ్యానికి ‘ఆయుః ప్రజ్ఞ యశోలక్ష్మీ’ మంత్రం పఠించాలి. అలాగే, వివాహ ప్రాప్తి కోసం ‘యోగి ధ్యే యాం’, సంతానం కలగడానికి ‘పూజ్యాయ ఆంజనేయ’, ఉద్యోగ ప్రాప్తికి ‘హనుమాన్ సర్వధర్మజ్ఞ’ అంటూ మొదలయ్యే విశేష శ్లోకాలను స్మరించాలి. పవిత్రమైన రోజున ఈ మంత్రాల పఠనంతో హనుమద్నామ స్మరణలో తరించవచ్చు.