మన పత్రిక, మల్కాజ్గిరి: సీపీ బి. సుమతి నిర్వహించిన స్టింగ్ ఆపరేషన్లో ఆమెను వేధించిన 40 మంది యువకుల ప్రవర్తనపై సైకాలజిస్ట్ విశేష్ ఆసక్తికరమైన మానసిక విశ్లేషణ చేశారు. రాత్రివేళ ఒంటరి మహిళను చూసి “రేట్ ఎంత?” అని అడగడం వారి వికృత సైకాలజీకి, సమాజపు సామూహిక మానసిక వైఫల్యానికి నిదర్శనమని ఆయన వ్యాఖ్యానించారు.
ఈ నేరపూరిత చర్యను ‘డార్క్ ట్రయాడ్’, ‘టాక్సిక్ మస్క్యులినిటీ’ లక్షణాలుగా ఆయన అభివర్ణించారు. సామాన్య మహిళగా ఉన్న పోలీసు అధికారిణిని వేధించిన వారి అహంకారం, తీరా అసలు నిజం తెలిశాక కుప్పకూలిందని పేర్కొన్నారు. అయితే, ఈ విశ్లేషణపై కృష్ణ కిశోర్ మల్లాడి భిన్నంగా స్పందించారు.
కేవలం 40 మంది చేసిన తప్పును ఆధారంగా చేసుకుని పురుష సమాజాన్ని మొత్తం మృగాలుగా చిత్రీకరించడం అత్యంత ప్రమాదకరమని ఆయన హెచ్చరించారు. నేరాన్ని కచ్చితంగా ఖండించాలని, కానీ విశ్లేషణ ఎప్పుడూ సమతుల్యంగా ఉండాలని ఆయన స్పష్టం చేశారు.