రైల్వే ఉద్యోగులకు రూ.1 కోటి బీమా: SBI సంచలన ఒప్పందం

మన పత్రిక, వెబ్​డెస్క్

ఎస్బీఐతో ఒప్పందం నుంచి రైల్వే ఉద్యోగులకు పెద్ద ఉపశమనం లభించింది ( 1 CRORE INSURANCE FOR RAILWAY EMPLOYEES ). రైల్వే ఉద్యోగులు మరియు వారి కుటుంబాలకు రూ. 1 కోటి ప్రమాద బీమా కవచం అందుబాటులోకి రానుంది. ఎస్బీఐలో వేతన ఖాతా ఉన్న రైల్వే ఉద్యోగులందరికీ ఈ ప్రయోజనం వర్తిస్తుంది. ప్రమాదవశాత్తు మరణం సంభవిస్తే రూ. 1 కోటి బీమా మొత్తం చెల్లిస్తారు.

ఉద్యోగి సహజ మరణం పొందినా కూడా కుటుంబానికి రూ. 10 లక్షలు అందజేస్తారు. ఈ పథకం కింద ఎలాంటి అదనపు ప్రీమియం చెల్లించాల్సిన అవసరం లేదు. వైద్య పరీక్షలు కూడా అవసరం లేదు. ఈ బీమా ప్రయోజనం ఉద్యోగితో పాటు వారి కుటుంబ సభ్యులకు కూడా వర్తిస్తుంది. ఇది రైల్వే ఉద్యోగుల కుటుంబాలకు భద్రతా భావాన్ని కలిగిస్తుంది. ఈ ఒప్పందం రైల్వే ఉద్యోగుల ఆర్థిక భద్రతకు కీలకమైన మెట్టుగా నిలుస్తుంది.