మన పత్రిక: బాక్సాఫీస్ వద్ద టాక్సిక్ చిత్రం ఆశించిన రీతిలో రాణించకపోవడంతో నటుడు యశ్ తన తదుపరి సినిమాలపై దృష్టి కేంద్రీకరించారు. ఈ సినిమాకు మొదటి నుంచీ ప్రతికూల టాక్ వచ్చినప్పటికీ, మొదటి నాలుగు రోజుల్లో ప్రపంచవ్యాప్తంగా దాదాపు ₹254 కోట్ల వసూళ్లు సాధించినట్లు సమాచారం.
ప్రస్తుతం యశ్ లైనప్లో అత్యంత ముఖ్యమైన చిత్రం రామాయణ. ఈ సినిమాలో ఆయన రావణాసురుడి పాత్రను పోషిస్తున్నారు. ఈ శక్తివంతమైన పాత్రలో యశ్ను చూడటానికి అభిమానులు ఆసక్తిగా ఎదురుచూస్తున్నారు. రామాయణతో పాటు సప్త సాగరదాచే ఎల్లో చిత్ర దర్శకుడు హేమంత్ ఎమ్ రావుతో ఒక సోలో ప్రాజెక్ట్ కోసం యశ్ చర్చలు జరుపుతున్నట్లు వార్తలు వస్తున్నాయి. ఈ చిత్రానికి సంబంధించి స్క్రిప్ట్ రచనలో కూడా యశ్ భాగస్వామ్యం అయ్యే అవకాశం ఉందని సమాచారం.
మరోవైపు కేజీఎఫ్: ఛాప్టర్ 3 చిత్రాన్ని ఇప్పటికే అధికారికంగా ప్రకటించినప్పటికీ, ఈ సినిమా వెంటనే పట్టాలెక్కే అవకాశం కనిపించడం లేదు. వీటితో పాటు తమిళ దర్శకుడు పి.ఎస్. మిత్రన్, అలాగే తెలుగు నిర్మాత దిల్ రాజుతో కూడా యశ్ పలు ప్రాజెక్టుల విషయమై చర్చలు జరుపుతున్నట్లు తెలుస్తోంది. ప్రస్తుతం యశ్ నటిస్తున్న రామాయణ చిత్రంపైనే అందరి దృష్టి నిలిచింది.
Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.