Korean Kanakaraju: వీటీ15 షూటింగ్ స్పీడ్!

‘కొరియ‌న్ క‌న‌క‌రాజు’గా వరుణ్ తేజ్? ‘వీటీ15’ షూటింగ్ స్పీడ్!

మన పత్రిక, వెబ్​డెస్క్: మెగా ప్రిన్స్ వరుణ్‌ తేజ్ (Varun Tej) కథానాయకుడిగా, మేర్లపాక గాంధీ (Merlapaka Gandhi) దర్శకత్వంలో ఓ హారర్‌ కామెడీ చిత్రం తెరకెక్కుతున్న సంగతి తెలిసిందే. ‘వీటీ15’ వర్కింగ్ టైటిల్‌తో రూపొందుతున్న ఈ చిత్రానికి ‘కొరియ‌న్ క‌న‌క‌రాజు’ (Korean Kanakaraju) అనే పేరును పరిశీలిస్తున్నారు.

యూవీ క్రియేషన్స్‌, ఫస్ట్‌ ఫ్రేమ్‌ ఎంటర్‌టైన్‌మెంట్‌ సంస్థలు ఈ చిత్రాన్ని భారీ బడ్జెట్‌తో నిర్మిస్తున్నాయి. వరుణ్‌ సరసన ‘మిరాయ్’ భామ రితికా నాయక్‌ (Ritika Nayak) హీరోయిన్‌గా నటిస్తోంది. ప్రస్తుతం ఈ సినిమా షూటింగ్‌ హైదరాబాద్‌లో శరవేగంగా జరుగుతోంది. వరుణ్ తేజ్, ప్రధాన తారాగణంపై కీలక సన్నివేశాలను చిత్రీకరిస్తున్నారు.

‘తొలిప్రేమ’ తర్వాత వరుణ్‌-తమన్‌ కాంబినేషన్‌లో ఈ చిత్రానికి మరో అదరగొట్టే ఆల్బమ్‌ రానుందని మేకర్స్ తెలిపారు.