మన పత్రిక వెబ్డెస్క్, హైదరాబాద్: తెలంగాణలో ఇంజినీరింగ్, అగ్రికల్చర్, ఫార్మసీ కోర్సుల్లో ప్రవేశాలకు సన్నద్ధమవుతున్న విద్యార్థులకు కీలక అప్డేట్. టీజీ ఈఏపీసెట్ (TG EAPCET-2026) నోటిఫికేషన్ ఇప్పటికే విడుదల కాగా, తాజాగా అధికారులు పరీక్ష సిలబస్ను వెబ్సైట్లో అందుబాటులో ఉంచారు. రేపటి నుంచి (ఫిబ్రవరి 19) ఆన్లైన్ దరఖాస్తుల ప్రక్రియ ప్రారంభం కానున్న నేపథ్యంలో, విద్యార్థులు తమ ప్రిపరేషన్ను ప్లాన్ చేసుకునేందుకు వీలుగా సిలబస్ వివరాలను ప్రకటించారు.
సిలబస్ను డౌన్లోడ్ చేసుకోవాలనుకునే విద్యార్థులు ముందుగా అధికారిక వెబ్సైట్ https://eapcet.tgche.ac.in/ ను సందర్శించాలి. హోమ్ పేజీలోని మెనూలో ‘ఇన్ఫర్మేషన్’ లేదా ‘సిలబస్’ సెక్షన్ కనిపిస్తుంది. అక్కడ మీరు రాసే పరీక్షను బట్టి.. ఇంజినీరింగ్ స్ట్రీమ్ (Engineering Stream) లేదా అగ్రికల్చర్ & ఫార్మసీ స్ట్రీమ్ (Agriculture & Pharmacy Stream) ఆప్షన్పై క్లిక్ చేయాలి. వెంటనే సిలబస్ వివరాలతో కూడిన పీడీఎఫ్ ఫైల్ ఓపెన్ అవుతుంది. దీన్ని విద్యార్థులు ప్రింట్ లేదా డౌన్లోడ్ చేసుకుని భద్రపచుకోవచ్చు.
దరఖాస్తుల విషయానికొస్తే.. ఫిబ్రవరి 19 నుంచి ఆన్లైన్ రిజిస్ట్రేషన్లు మొదలవుతాయి. విద్యార్థులు ఎలాంటి ఆలస్య రుసుము (Fine) లేకుండా ఏప్రిల్ 4వ తేదీ వరకు దరఖాస్తు చేసుకోవచ్చు. ఒకవేళ ఆలస్యమైతే రూ.250 నుంచి రూ.10,000 వరకు ఫైన్తో మే 2 వరకు అవకాశం కల్పించారు. ఈసారి కూడా జేఎన్టీయూ హైదరాబాద్ ఈ పరీక్షను నిర్వహించనుంది.
పరీక్ష తేదీలను కూడా అధికారులు ఖరారు చేశారు. మే 4, మే 5 తేదీల్లో అగ్రికల్చర్ మరియు ఫార్మసీ విభాగాలకు పరీక్షలు జరుగుతాయి. అలాగే మే 9 నుంచి మే 11 వరకు ఇంజినీరింగ్ స్ట్రీమ్ విద్యార్థులకు పరీక్షలు నిర్వహిస్తారు. పరీక్ష ఆన్లైన్ కంప్యూటర్ ఆధారిత విధానంలో (CBT) ఉంటుంది. మొత్తం 160 ప్రశ్నలకు 3 గంటల సమయం కేటాయిస్తారు. ఇందులో ఎలాంటి నెగటివ్ మార్కింగ్ ఉండదు. ఇంటర్మీడియట్ పూర్తి చేసిన లేదా ద్వితీయ సంవత్సరం చదువుతున్న విద్యార్థులు ఈ పరీక్షకు అర్హులు.
Rohith is a Chief Editor with 3 years of experience in writing news articles on topics like education, jobs, and politics clear, and engaging stories that are easy to understand and hold the reader’s interest making complex topics accessible and relatable to a larger audience.
ఇవి కూడా చదవండి :
- కొత్త ఫోటోషూట్తో ఆకట్టుకుంటున్న నిధి అగర్వాల్
- విజయ్ నటించిన జనా నాయగన్ చిత్రం విడుదలపై నిర్మాత వెంకట్ కీలక వ్యాఖ్యలు
- టీమిండియా బౌలింగ్ వైఫల్యంపై విమర్శలు
- మణికొండలో బీటెక్ విద్యార్థిని ఆత్మహత్య, అధ్యాపకుల వేధింపులే కారణమని ఆరోపణ
- పూణే రియల్ ఎస్టేట్ వ్యాపారి కేతన్ అగర్వాల్ హత్య కేసులో వెలుగుచూసిన సంచలన నిజాలు