మన పత్రిక: తెలంగాణలో కొన్నిరోజుల విరామం తర్వాత వర్షాలు మళ్లీ ప్రారంభమయ్యే అవకాశం ఉందని వాతావరణ నిపుణులు తెలిపారు. జులై 26 నుంచి రాష్ట్రవ్యాప్తంగా వర్షాలు తిరిగి పుంజుకోవచ్చని, దీనివల్ల నైరుతి రుతుపవనాల ప్రభావం మళ్లీ పెరిగే సూచనలు ఉన్నాయని పేర్కొన్నారు. ఈ వర్షాల రాకతో వ్యవసాయ పనులకు ఊరట లభిస్తుందని రైతులు భావిస్తున్నారు.
ఉత్తర, మధ్య, తూర్పు మరియు పశ్చిమ తెలంగాణ జిల్లాల్లో జులై 26 నుంచి వర్షాల తీవ్రత పెరిగే అవకాశం ఉంది. పలు జిల్లాల్లో మోస్తరు నుంచి భారీ వర్షాలు పడొచ్చని, కొన్ని ఉత్తర జిల్లాల్లో అక్కడక్కడ భారీ వర్షాలు కురిసే వీలుందని అంచనా వేస్తున్నారు. వర్షాలు పెరగడం వల్ల నేలలో తేమ శాతం పెరిగి ఖరీఫ్ పంటల సాగుకు ఎంతో మేలు జరుగుతుందని భావిస్తున్నారు.
వర్షాలు ఊపందుకునే ముందు ఆదిలాబాద్, కుమురం భీమ్ ఆసిఫాబాద్, నిర్మల్, నిజామాబాద్, కామారెడ్డి, సంగారెడ్డి, మెదక్, సిద్దిపేట జిల్లాల్లో అక్కడక్కడ తేలికపాటి నుండి మోస్తరు వర్షాలు కురిసే అవకాశం ఉంది. హైదరాబాద్ నగరంలో మాత్రం వర్షాలు బలపడటానికి ముందు ఎక్కువగా పొడి వాతావరణమే ఉంటుందని, కొన్ని ప్రాంతాల్లో మాత్రమే తేలికపాటి జల్లులు పడవచ్చని తెలిపింది. కొన్నిరోజులుగా వర్షాలు లేక నిలిచిపోయిన వ్యవసాయ పనులు ఈ కొత్త వర్షాల రాకతో మళ్లీ వేగం పుంజుకోనున్నాయి.
Rohith is a Chief Editor with 3 years of experience in writing news articles on topics like education, jobs, and politics clear, and engaging stories that are easy to understand and hold the reader’s interest making complex topics accessible and relatable to a larger audience.