శ్రీశైలం జలాశయానికి నేడు చేరనున్న కృష్ణా వరద నీరు

మన పత్రిక: కృష్ణా నది ఎగువ ప్రాంతాల నుంచి వస్తున్న వరద ప్రవాహంతో శ్రీశైలం జలాశయానికి నేడు నీరు వచ్చి చేరనుంది. కర్ణాటకలోని ఆల్మట్టి, నారాయణపూర్ డ్యామ్‌లు ఇప్పటికే నిండుకుండలా మారాయి. దీంతో ఎగువ నుంచి వస్తున్న వరదను కిందకు విడుదల చేస్తున్నారు. ఈ క్రమంలోనే జూరాల ప్రాజెక్టు నుంచి 30,000 క్యూసెక్కుల నీటిని దిగువకు విడుదల చేశారు. ఈ నీరు బుధవారం శ్రీశైలం జలాశయానికి చేరుకోనుంది.

ప్రస్తుతం శ్రీశైలం ప్రాజెక్టులో కేవలం 41 టీఎంసీల నీరు మాత్రమే నిల్వ ఉంది. ఎగువ నుంచి వరద నీరు వస్తుండటంతో జలాశయంలో నీటి మట్టం పెరిగే అవకాశం ఉంది. ఈ వరద రాకతో రాయలసీమ ప్రాంత రైతుల్లో పంట సాగుపై కొత్త ఆశలు చిగురిస్తున్నాయి.

Rohith

Rohith is a Chief Editor with 3 years of experience in writing news articles on topics like education, jobs, and politics clear, and engaging stories that are easy to understand and hold the reader’s interest making complex topics accessible and relatable to a larger audience.