మన పత్రిక: మాస్ మహారాజా రవితేజ కథానాయకుడిగా నటించిన ‘ఇరుముడి’ చిత్రం థియేటర్లలో విజయవంతంగా ప్రదర్శితమవుతోంది. ఆగస్టు 21న ప్రేక్షకుల ముందుకు వచ్చిన ఈ సినిమా, మూడో వారంలోకి అడుగుపెట్టినప్పటికీ బాక్సాఫీస్ వద్ద తన ఆధిపత్యాన్ని కొనసాగిస్తోంది. ప్రేక్షకులతో పాటు విమర్శకుల నుంచి సానుకూల స్పందన లభించడంతో కుటుంబ ప్రేక్షకులు, మహిళలు పెద్ద సంఖ్యలో థియేటర్లకు తరలివస్తున్నారు.
₹200 కోట్ల గ్రాస్ దిశగా కలెక్షన్లు
ఇరుముడి చిత్రం ప్రపంచవ్యాప్తంగా ₹200 కోట్ల గ్రాస్ మైలురాయికి సమీపిస్తున్నట్లు సమాచారం. ఈ లక్ష్యాన్ని చేరుకుంటే, ప్రపంచవ్యాప్తంగా ₹100 కోట్ల షేర్ సాధించిన రవితేజ మొదటి సినిమాగా ఇది నిలుస్తుంది. ఇది ఆయన నటనా జీవితంలోనే అత్యధిక వసూళ్లు సాధించిన చిత్రంగా కొత్త రికార్డును నెలకొల్పనుంది.
సెలవుల కలిసిరానున్న వారాంతం
మూడో వారంలో ఈ చిత్రానికి వరుస సెలవులు మరింత కలెక్షన్లు తెచ్చిపెట్టే అవకాశం ఉంది. సెప్టెంబర్ 4 శుక్రవారం శ్రీకృష్ణ జన్మాష్టమి కావడం, దానిని తోడుగా శని, ఆదివారాల వారాంతం కలసిరావడంతో థియేటర్లకు వచ్చే వారి సంఖ్య మరింత పెరగొచ్చని భావిస్తున్నారు. ఈ వారంలో కొన్ని కొత్త సినిమాలు విడుదలైనప్పటికీ, ఇరుముడి తన పట్టును నిలుపుకుంది.
ఈ సినిమా సాధిస్తున్న విజయంలో మంచి పాజిటివ్ టాక్, రిపీట్ ఆడియన్స్ కీలక పాత్ర పోషిస్తున్నారు. యష్ నటించిన టాక్సిక్ వంటి పెద్ద సినిమాలు విడుదలైనప్పటికీ, బాక్సాఫీస్ పోటీని తట్టుకుని ఇరుముడి నిలబడింది. టాక్సిక్ చిత్రం అంచనాలను అందుకోవడంలో విఫలం కావడం కూడా ఈ సినిమాకు మరింత కలెక్షన్లు పెరగడానికి దోహదపడింది.
Farooq Basha is a content writer with two years of experience covering education, jobs, politics, technology, entertainment, and current affairs. He writes clear, accurate, and easy-to-understand articles for everyday readers.