రణ్‌బీర్ కపూర్ ప్రధాన పాత్రలో నటిస్తున్న ‘రామాయణ’ సినిమా ప్రీ-రిలీజ్ వేడుకను 2026 అక్టోబర్ 19న హైదరాబాద్‌లోని జేఆర్‌సీ కన్వెన్షన్‌లో నిర్వహించేందుకు చిత్ర బృందం ఏర్పాట్లు చేస్తోంది. ఈ వేడుకకు రణ్‌బీర్ కపూర్‌తో పాటు యష్, సాయి పల్లవి, కాజల్ అగర్వాల్, రకుల్ ప్రీత్ సింగ్, రవి దూబే హాజరవుతారని భావిస్తున్నారు. దర్శకుడు నితేష్ తివారీ, నిర్మాత నమిత్ మల్హోత్రా కూడా ఈ కార్యక్రమంలో పాల్గొననున్నారు.
అక్టోబర్ 20 నుంచి అడ్వాన్స్ బుకింగ్స్
నితేష్ తివారీ దర్శకత్వంలో తెరకెక్కుతున్న ఈ సినిమాలో రణ్‌బీర్ కపూర్ రాముడిగా, సాయి పల్లవి సీతగా, యష్ రావణుడిగా నటిస్తున్నారు. ఇటీవల బెంగళూరులో విడుదల చేసిన ట్రైలర్‌కు విశేష స్పందన లభించింది. ఈ రామాయణ మొదటి భాగాన్ని 2026 నవంబర్ 5న ప్రపంచవ్యాప్తంగా థియేటర్లలో విడుదల చేయనున్నామని, అక్టోబర్ 20 నుంచి అడ్వాన్స్ బుకింగ్స్ ప్రారంభమవుతాయని నిర్మాతలు వెల్లడించారు.
Mana Patrika Web Desk is our editorial team covering breaking news, education, jobs, politics, technology, entertainment, and current affairs. The team publishes clear, accurate, and reader-friendly updates after reviewing information from reliable sources.