నాగార్జున సాగర్, శ్రీశైలం వరద – 22, 10 గేట్లు ఎత్తి నీరు విడుదల

Nagarjuna sagar water level today: నల్లగొండ జిల్లాలోని నాగార్జున సాగర్ ( Nagarjuna Sagar ) ప్రాజెక్టుకు వరద కొనసాగుతోంది. జలాశయం నిండుకుండలా మారింది. దీంతో 22 గేట్లు ఎత్తి 1.7 లక్షల క్యూసెక్కుల నీటిని దిగువకు విడుదల చేస్తున్నారు.

ప్రస్తుతం సాగర్ ఇన్ఫ్లో 2.94 లక్షల క్యూసెక్కులు, ఔట్ఫ్లో 2.22 లక్షల క్యూసెక్కులు. పూర్తి సామర్థ్యం 312.04 టీఎంసీలు — ప్రస్తుతం 302.91 టీఎంసీలు ఉన్నాయి.

శ్రీశైలం ప్రాజెక్టుకు కూడా స్థిరంగా వరద వస్తోంది. జూరాల, సుంకేశుల నుంచి నీరు శ్రీశైలంకు చేరుతోంది. ఇన్ఫ్లో 3,95,563 క్యూసెక్కులు, ఔట్ఫ్లో 3,46,374 క్యూసెక్కులు. 10 స్పిల్ వే గేట్లు ఎత్తి 2,75,700 క్యూసెక్కుల నీటిని విడుదల చేస్తున్నారు.

శ్రీశైలం పూర్తి సామర్థ్యం 215.80 టీఎంసీలు — ప్రస్తుతం 209.15 టీఎంసీలు ఉన్నాయి.