మన పత్రిక: అక్కినేని నాగార్జున తన కెరీర్లో అత్యంత కీలకమైన 100వ చిత్రానికి సిద్ధమయ్యారు. ఆయన పుట్టినరోజు సందర్భంగా ఈ ప్రతిష్టాత్మక చిత్రానికి ‘కింగ్ 100’ అనే టైటిల్ను ఖరారు చేస్తూ చిత్రబృందం అధికారికంగా మొదటి గ్లింప్స్ను విడుదల చేసింది. ఈ గ్లింప్స్లో నాగార్జున నయా లుక్తో కనిపించారు.
ఈ చిత్రానికి తమిళ దర్శకుడు రా. కార్తిక్ దర్శకత్వం వహిస్తున్నారు. సమాజంలో ఒక వ్యక్తికి దక్కే గౌరవాన్ని డబ్బే నిర్ణయిస్తుందని నమ్మే ఒక వ్యక్తి చుట్టూ ఈ కథ తిరుగుతుందని సమాచారం. సంపద, విజయం సాధించాలనే లక్ష్యంతో పాటు సమాజంలో తన గుర్తింపును, స్థానాన్ని కాపాడుకోవడానికి ప్రయత్నించే కథానాయకుడి పాత్రలో నాగార్జున కనిపించనున్నారు. తండ్రీకూతుళ్ల భావోద్వేగాల నేపథ్యంతో కూడిన కమర్షియల్ ఎంటర్టైనర్గా ఈ చిత్రాన్ని తెరకెక్కిస్తున్నారు.
అన్నపూర్ణ స్టూడియోస్ నిర్మిస్తున్న ఈ చిత్రంలో టబు, సుష్మితా భట్, విజయేంద్ర కీలక పాత్రలు పోషిస్తున్నారు. దేవిశ్రీ ప్రసాద్ ఈ సినిమాకి సంగీతం అందిస్తున్నారు. ఈ చిత్రాన్ని 2026 డిసెంబర్ 24న థియేటర్లలో విడుదల చేసేందుకు సమాయత్తమవుతున్నారు.
Rohith is a Chief Editor with 3 years of experience in writing news articles on topics like education, jobs, and politics clear, and engaging stories that are easy to understand and hold the reader’s interest making complex topics accessible and relatable to a larger audience.