మన పత్రిక: ప్రముఖ సోషల్ మీడియా క్రియేటర్ కీర్తనా మీనన్ తన కుటుంబ సభ్యుల నుంచి ఎదుర్కొంటున్న వివాహ ఒత్తిడిని వ్యతిరేకిస్తూ వినూత్నంగా నిరసన వ్యక్తం చేశారు. తనకు ఇష్టమైన జుట్టును తొలగించుకుని, గుండు గీయించుకున్న వీడియోను ఆమె తన ఇన్స్టాగ్రామ్ ఖాతాలో పంచుకున్నారు. ‘నాకు పెళ్లి చేయాలని ఉంది’ అంటూ వ్యంగ్యంగా రాసిన క్యాప్షన్ ఇప్పుడు సోషల్ మీడియాలో వైరల్గా మారింది.
వ్యక్తిగత స్వేచ్ఛే ప్రాధాన్యత
జుట్టు అంటే తనకు ఎంతో ఇష్టమని పేర్కొన్న కీర్తన, తన జీవిత నిర్ణయాలను తీసుకునే హక్కును కాపాడుకోవడమే లక్ష్యంగా ఈ కఠిన నిర్ణయం తీసుకున్నట్లు తెలిపారు. కుటుంబ సభ్యుల బలవంతపు వివాహాల వల్ల ఇబ్బందులు పడుతున్న ఎంతో మంది యువతులకు తన చర్య ఒక సందేశమని ఆమె పేర్కొన్నారు.
నెటిజన్ల నుంచి విశేష మద్దతు
కీర్తన తీసుకున్న ఈ సాహసోపేతమైన నిర్ణయంపై నెటిజన్లు పెద్ద ఎత్తున స్పందిస్తున్నారు. అందమైన జుట్టు కంటే ఆత్మగౌరవమే ముఖ్యమని, ఆమె నిర్ణయం అనేకమందికి స్ఫూర్తినిస్తోందని పలువురు మద్దతు తెలుపుతున్నారు. బలవంతపు వివాహాల ఒత్తిడిని ఎదుర్కొంటున్న మహిళలకు ఈ వీడియో ధైర్యాన్ని ఇస్తోందని నెటిజన్లు అభిప్రాయపడుతున్నారు.
Rohith is a Chief Editor with 3 years of experience in writing news articles on topics like education, jobs, and politics clear, and engaging stories that are easy to understand and hold the reader’s interest making complex topics accessible and relatable to a larger audience.