మన పత్రిక: ఆంధ్రప్రదేశ్ సీఐడీ (CID) తనపై దాఖలు చేసిన ఛార్జిషీట్లోని ఆరోపణలను ముంబైకి చెందిన నటి, మోడల్ కాదంబరి జెత్వాని తీవ్రంగా ఖండించారు. ఈ మేరకు ఆమె ఒక బహిరంగ లేఖ ద్వారా తన నిరసనను వ్యక్తం చేస్తూ, తాను నిర్దోషినని స్పష్టం చేశారు. తన వాదనను దర్యాప్తులో సరిగ్గా పరిగణనలోకి తీసుకోలేదని ఆమె ఆరోపించారు.
గత రెండున్నరేళ్లుగా తప్పుడు ఆరోపణల వల్ల తాను, తన కుటుంబం తీవ్ర ఇబ్బందులు ఎదుర్కొన్నామని జెత్వాని పేర్కొన్నారు. కుక్కల విద్యాసాగర్ అనే వ్యాపారవేత్తకు సంబంధించిన కేసులో తనపై సీఐడీ ఛార్జిషీట్ దాఖలు చేసిన కొద్ది రోజులకే ఆమె ఈ వ్యాఖ్యలు చేశారు. న్యాయవ్యవస్థపై తనకు పూర్తి నమ్మకం ఉందని, నిజం బయటపడి తన పేరు నుంచి మచ్చ తొలగిపోతుందని ఆమె ధీమా వ్యక్తం చేశారు. నిజం నిరూపితమైన తర్వాత, తనపై అబద్ధపు కథనాలు రాసిన మీడియా సంస్థలు బహిరంగ క్షమాపణలు చెప్పాలని ఆమె డిమాండ్ చేశారు. ఈ వ్యవహారం ప్రస్తుతం న్యాయస్థానం పరిశీలనలో ఉంది.
Mana Patrika Web Desk is our editorial team covering breaking news, education, jobs, politics, technology, entertainment, and current affairs. The team publishes clear, accurate, and reader-friendly updates after reviewing information from reliable sources.