మన పత్రిక: జూనియర్ ఎన్టీఆర్ కథానాయకుడిగా దర్శకుడు ప్రశాంత్ నీల్ కాంబినేషన్లో వస్తున్న ‘డ్రాగన్’ సినిమా విడుదల తేదీలో ఎలాంటి మార్పు లేదని నిర్మాణ సంస్థ మైత్రి మూవీ మేకర్స్ స్పష్టం చేసింది. ఎన్టీఆర్ చేతికి గాయం కావడం, శస్త్రచికిత్స జరగడంతో ఈ చిత్రం వాయిదా పడే అవకాశం ఉందంటూ గత కొన్ని రోజులుగా ఊహాగానాలు వచ్చాయి. ఈ ప్రచారంపై మైత్రి రవి శంకర్ స్పందిస్తూ, ముందే ప్రకటించిన సమయానికే సినిమాను ప్రేక్షకుల ముందుకు తీసుకువస్తామని తెలిపారు.
‘డోంట్ ట్రబుల్ ది ట్రబుల్’ సినిమా ప్రీ-రిలీజ్ ఈవెంట్లో పాల్గొన్న నిర్మాత రవి శంకర్, డ్రాగన్ విడుదలపై వస్తున్న పుకార్లకు స్వస్తి చెప్పారు. అధికారికంగా ముందే నిర్ణయించినట్లుగానే 2027 జూన్ 11న ఈ చిత్రాన్ని ప్రపంచవ్యాప్తంగా విడుదల చేయనున్నట్లు ఆయన వెల్లడించారు. ఈ సినిమాలో రుక్మిణి వసంత్ కథానాయికగా నటిస్తోంది. మైత్రి మూవీ మేకర్స్ ఈ భారీ చిత్రాన్ని నిర్మిస్తోంది. నిర్మాత క్లారిటీ ఇవ్వడంతో ఎన్టీఆర్ అభిమానులు ఊపిరి పీల్చుకున్నారు.
Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.