మన పత్రిక: నటుడు విజయ్ ప్రధాన పాత్రలో నటించిన జనా నాయగన్ చిత్రం జూలై 23న ప్రపంచవ్యాప్తంగా విడుదల కానుంది. హెచ్ వినోద్ దర్శకత్వంలో కెవిఎన్ ప్రొడక్షన్స్ బ్యానర్పై భారీ స్థాయిలో నిర్మించిన ఈ చిత్రంలో పూజా హెగ్డే, బాబీ డియోల్, మమితా బైజు కీలక పాత్రలు పోషించారు. ఈ సినిమా విజయ్ కెరీర్లో ఒక మైలురాయిగా నిలుస్తుందని నిర్మాత వెంకట్ కె నారాయణ పేర్కొన్నారు.
విజయ్ రాజకీయాల్లోకి వెళ్లే ముందు నటించిన చివరి సినిమా కావడంతో పలు సవాళ్లు ఎదురయ్యాయని నిర్మాత వివరించారు. వాస్తవానికి ఈ చిత్రాన్ని జనవరిలో విడుదల చేయాలని అనుకున్నప్పటికీ, పైరసీ, థియేటర్ల సమస్యలు మరియు న్యాయపరమైన చిక్కుల కారణంగా జూలైకి వాయిదా పడింది. అయితే, ఇప్పుడు విజయ్ ముఖ్యమంత్రిగా బాధ్యతలు చేపట్టిన తర్వాత ఈ సినిమా విడుదలవుతుండటం విశేషమని ఆయన అన్నారు. దాదాపు 7,000 నుండి 8,000 స్క్రీన్లలో ఈ సినిమాను విడుదల చేయడానికి సన్నాహాలు చేస్తున్నారు.
సినిమా కథాంశంపై స్పష్టత
భగవంత్ కేసరి చిత్రంతో జనా నాయగన్ సినిమాను పోల్చడంపై నిర్మాత స్పందించారు. కేవలం రెండు సన్నివేశాల కోసం మాత్రమే ఆ సినిమా నుండి స్ఫూర్తి పొందామని, మిగిలిన కథ పూర్తిగా కొత్త సంఘర్షణతో, భావోద్వేగపూరితమైన కథనంతో ఉంటుందని ఆయన స్పష్టం చేశారు. మరోవైపు, మెగాస్టార్ చిరంజీవితో సినిమా చేయడం తన కల అని, ఆయన ప్రయాణం తనకు ఎంతో స్ఫూర్తినిచ్చిందని వెంకట్ వెల్లడించారు.
Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.