ముంబైలోని ఆగస్టు క్రాంతి మైదాన్‌లో అక్టోబర్ 10న జరిగిన నిరసన ప్రదర్శనలో పాల్గొన్నందుకు గాను, అక్టోబర్ 28, 2026 నాటికి భారత్ వదిలి వెళ్లాలని బాలీవుడ్ నటుడు ఇమ్రాన్ ఖాన్‌ను విదేశీయుల నమోదు ప్రాంతీయ కార్యాలయం (ఎఫ్‌ఆర్‌ఆర్‌ఓ) ఆదేశించింది. ముఖ్య ఎన్నికల కమిషనర్ జ్ఞానేష్ కుమార్ రాజీనామా చేయాలని డిమాండ్ చేస్తూ ఈ ఆందోళన నిర్వహించారు.
ఇమిగ్రేషన్ నిబంధనల ఉల్లంఘన ఆరోపణలు
అమెరికా పౌరుడైన ఇమ్రాన్ ఖాన్ వద్ద ఓవర్సీస్ సిటిజన్ ఆఫ్ ఇండియా (ఓసిఐ) కార్డు ఉంది. భారత పౌరుడు కాకపోయినప్పటికీ రాజకీయ నిరసనలో పాల్గొన్నందున ఆయనపై ఇమిగ్రేషన్ నిబంధనల ప్రకారం చర్యలు తీసుకున్నట్లు ముంబై పోలీసులు తెలిపారు. భారతీయ జనతా పార్టీ మాజీ ఎంపీ కిరీట్ సోమయ్య ఇచ్చిన ఫిర్యాదు ఆధారంగా ఎఫ్‌ఆర్‌ఆర్‌ఓ ఈ నోటీసు జారీ చేసింది.
వ్యక్తిగతంగానే హాజరయ్యానన్న నటుడు
అక్టోబర్ 10న జరిగిన ఈ ఆందోళన సందర్భంగా ఇమ్రాన్ ఖాన్‌తో పాటు ఆయన భాగస్వామి, నటి లేఖా వాషింగ్టన్‌లను ముంబై పోలీసులు కొన్ని గంటల పాటు అదుపులోకి తీసుకుని ఆ తర్వాత విడుదల చేశారు. తాను ఏ రాజకీయ సంస్థ తరఫున కాకుండా ఒక వ్యక్తిగత పౌరుడిగా మాత్రమే ఆ నిరసనకు హాజరైనట్లు ఇమ్రాన్ ఖాన్ వెల్లడించారు.
Mana Patrika Web Desk is our editorial team covering breaking news, education, jobs, politics, technology, entertainment, and current affairs. The team publishes clear, accurate, and reader-friendly updates after reviewing information from reliable sources.