Ibomma- Bappam : ఐబొమ్మ, బప్పం టీవీ వెబ్ సైట్లు క్లోజ్.. చంచల్‌గూడ జైలుకు రవి

Ibomma- Bappam : ఐబొమ్మ, బప్పం టీవీ వెబ్ సైట్ల నుంచి ఇక కొత్త సినిమాలు డౌన్ లోడ్ చేసుకొని చూడలేరు. ఆయా వెబ్ సైట్ల నిర్వాహకుడు ఇమ్మడి రవిని ఇటీవలే పోలీసులు అరెస్ట్ చేసిన విషయం తెలిసిందే. అతడి దగ్గర్నుంచి ఆయా వెబ్ సైట్ల లాగిన్ వివరాలు తీసుకున్న సీసీఎస్ పోలీసులు ఆయా వెబ్ సైట్లను క్లోజ్ చేశారు. అతడి ఇంట్లో సోదాలు నిర్వహించి వందల హార్డ్ డిస్కులను కూడా పోలీసులు స్వాధీనం చేసుకున్నారు.

అతడిని కస్టడీలోకి తీసుకొని విచారించేందుకు సోమవారం నాంపల్లి కోర్టులో కస్టడీ పిటిషన్ ను పోలీసులు దాఖలు చేయనున్నారు. ఇమ్మడి రవిది వైజాగ్ కాగా… హైదరాబాద్ లోని కూకట్ పల్లిలో నివాసముంటున్నాడు. ఇమ్మడి రవి బ్యాంక్ ఖాతాలను కూడా పోలీసులు పరిశీలిస్తున్నారు. ప్రస్తుతం ఇమ్మడి రవిని చంచల్ గూడ జైలుకు తరలించారు.