హైదరాబాద్ నగర శివారులోని అబ్దుల్లాపూర్మెట్ పరిధి బాటసింగారం వద్ద ఆర్టీసీ బస్సు తీవ్ర బీభత్సం సృష్టించింది. ఆటోను తప్పించబోయి అదుపుతప్పిన బస్సు వేగంగా పెట్రోల్ బంక్లోకి దూసుకెళ్లింది. దిల్సుఖ్నగర్ డిపోనకు చెందిన ఈ బస్సు చౌటుప్పల్ వెళ్తుండగా ఈ ప్రమాదం చోటుచేసుకుంది. బస్సు దూసుకెళ్లిన ఉద్ధృతికి ఒక కారు పూర్తిగా ధ్వంసమవగా, మరో వాహనం దెబ్బతింది. నేరుగా డీజిల్ పంపు వద్దకు దూసుకెళ్లడంతో అక్కడి పరికరాలు పూర్తిగా విరిగిపడ్డాయి. అయితే, ఈ ఘటనలో ఎలాంటి ప్రాణనష్టం జరగకపోవడంతో అందరూ ఊపిరి పీల్చుకున్నారు.
ఈ ప్రమాదంతో బంక్ సిబ్బంది, అక్కడ ఉన్న స్థానికులు తీవ్ర భయాందోళనకు గురై పరుగులు తీశారు. బస్సు అతివేగంగా ఉండటం వల్లే అదుపుతప్పినట్లు సమాచారం. ఈ భయానక ప్రమాదానికి సంబంధించిన దృశ్యాలు అక్కడి సీసీటీవీ కెమెరాల్లో రికార్డయ్యాయి.
Lavanya is a content writer at Mana Patrika, covering useful updates and information for Telugu readers. She writes about education, jobs, current affairs, technology, entertainment, and other topics that are relevant to everyday readers. Her focus is on presenting information in a clear, simple, and easy-to-understand way.