మన పత్రిక: భారత్ ప్రతి సంవత్సరం అక్టోబర్ 2న మహాత్మా గాంధీ జయంతిని ఘనంగా నిర్వహించుకుంటుంది. 2026 నాటికి ఆయన 157వ జయంతిని జరుపుకుంటున్నారు. దేశ స్వాతంత్ర్య సంగ్రామంలో గాంధీ అందించిన సేవలను, సత్యం, అహింస మరియు సరళత ఆధారంగా ఆయన అందించిన బోధనలను ఈ రోజున స్మరించుకుంటారు.
గాంధీ 1869 అక్టోబర్ 2న గుజరాత్‌లోని పోర్‌బందర్‌లో జన్మించారు. లండన్‌లో న్యాయశాస్త్రం అభ్యసించిన ఆయన, ఆ తర్వాత దక్షిణాఫ్రికాకు వెళ్లారు. అక్కడ ఎదురైన జాతి వివక్ష అనుభవాలు ఆయన సామాజిక, రాజకీయ ఉద్యమ మార్గాన్ని ప్రభావితం చేశాయి. భారత్‌కు తిరిగి వచ్చిన తర్వాత స్వాతంత్ర్య పోరాటంలో కీలక నాయకుడిగా మారారు. సహాయ నిరాకరణ ఉద్యమం, శాసనొల్లంఘన ఉద్యమం, క్విట్ ఇండియా ఉద్యమాల్లో ప్రధాన పాత్ర పోషించారు. ఆయన విధానాలు ముఖ్యంగా అహింస, సత్యాగ్రహంపై ఆధారపడి ఉన్నాయి.
అంతర్జాతీయంగా గుర్తింపు
గాంధీ సిద్ధాంతాలు భారతదేశానికే పరిమితం కాకుండా ప్రపంచవ్యాప్తంగా పౌర హక్కుల ఉద్యమాలను ప్రభావితం చేశాయి. ఆయన అహింసా మార్గం, శాంతియుత నిరసన తత్వశాస్త్రం అనేక దేశాల నాయకులకు ఆదర్శంగా నిలిచింది. ఐక్యరాజ్యసమితి కూడా అక్టోబర్ 2ను ‘అంతర్జాతీయ అహింసా దినోత్సవం’గా గుర్తించింది.
భారతదేశంలోని మూడు జాతీయ సెలవు దినాలలో గాంధీ జయంతి ఒకటి. ఈ రోజున దేశవ్యాప్తంగా ప్రత్యేక ప్రార్థనలు, స్మారక కార్యక్రమాలు, పరిశుభ్రత కార్యక్రమాలు నిర్వహిస్తారు. పాఠశాలలు, కళాశాలల్లో గాంధీ జీవితం, ఆయన బోధనలపై ప్రసంగాలు, వ్యాస రచన పోటీలు జరుపుతారు.
Farooq Basha is a content writer with two years of experience covering education, jobs, politics, technology, entertainment, and current affairs. He writes clear, accurate, and easy-to-understand articles for everyday readers.