భారతదేశంలో ప్రతి సంవత్సరం నవంబరు 14వ తేదీన బాలల దినోత్సవాన్ని ఘనంగా జరుపుకుంటారు. దేశ తొలి ప్రధాని పండిట్ జవహర్‌లాల్ నెహ్రూ జయంతిని పురస్కరించుకుని ఈ వేడుకలను నిర్వహిస్తారు. పిల్లలపై ఆయనకున్న ప్రత్యేక అభిమానం వల్ల నెహ్రూను చాచా నెహ్రూ అని పిలుస్తారు.
బాలల దినోత్సవ చరిత్ర మరియు ప్రాముఖ్యత
ప్రారంభంలో ఐక్యరాజ్యసమితి నిర్వహించే విశ్వ బాలల దినోత్సవం తరహాలోనే భారతదేశంలో కూడా నవంబరు 20న ఈ వేడుకలు జరిపేవారు. అయితే 1964లో జవహర్‌లాల్ నెహ్రూ మరణించిన తరువాత, ఆయన జ్ఞాపకార్థం నవంబరు 14ను బాలల దినోత్సవంగా ప్రకటించారు. 1889 నవంబరు 14న అలహాబాద్‌లో జన్మించిన నెహ్రూ, పిల్లల విద్య మరియు అభివృద్ధికి ఎంతో ప్రాధాన్యత ఇచ్చారు.
పిల్లలకు నాణ్యమైన విద్య, మంచి పోషకాహారం, వైద్య సదుపాయాలు మరియు సురక్షితమైన వాతావరణం అందించాల్సిన బాధ్యతను ఈ రోజు గుర్తుచేస్తుంది. పాఠశాలల్లో సాంస్కృతిక కార్యక్రమాలు, పోటీలు నిర్వహించి పిల్లలకు మిఠాయిలు, బహుమతులు అందజేస్తారు.
Rohith is a Chief Editor with 3 years of experience in writing news articles on topics like education, jobs, and politics clear, and engaging stories that are easy to understand and hold the reader’s interest making complex topics accessible and relatable to a larger audience.