మన పత్రిక: తెలంగాణ రాష్ట్రం నుంచి అదనంగా మరో 8 లక్షల మెట్రిక్ టన్నుల ధాన్యం కొనుగోలు చేయడానికి కేంద్ర ప్రభుత్వం ఆమోదం తెలపడం పట్ల కేంద్ర బొగ్గు, గనుల శాఖ మంత్రి జి. కిషన్ రెడ్డి హర్షం వ్యక్తం చేశారు. ఈ నిర్ణయం తీసుకున్నందుకు గాను ఆయన ప్రధానమంత్రి నరేంద్ర మోదీకి ధన్యవాదాలు తెలిపారు. రాష్ట్ర రైతాంగానికి మేలు చేకూర్చేలా ధాన్యం సేకరణ కోటాను పెంచాలని ఈ నెల 8న కేంద్ర ఆహార, ప్రజా పంపిణీ శాఖ మంత్రి ప్రహ్లాద్ జోషిని తాము కలిసి కోరామని, ఆ విజ్ఞప్తికి కేంద్రం సానుకూలంగా స్పందించిందని ఆయన గుర్తుచేశారు.
రైతులకు మేలు జరిగేలా చర్యలు
రైతుల ప్రయోజనాలను దృష్టిలో ఉంచుకుని కేంద్రం తీసుకున్న ఈ నిర్ణయాన్ని తెలంగాణ రాష్ట్ర ప్రభుత్వం తక్షణమే సద్వినియోగం చేసుకోవాలని కిషన్ రెడ్డి సూచించారు. క్షేత్రస్థాయిలో ధాన్యం కొనుగోలు ప్రక్రియను వేగవంతం చేసి, రైతులు ఇబ్బంది పడకుండా ధాన్యాన్ని సేకరించాలని ఆయన కోరారు. కేంద్రం కల్పించిన ఈ అదనపు కోటా ద్వారా రాష్ట్రంలో మిగిలి ఉన్న ధాన్యం సేకరణ సులభతరమవుతుందని, దీనివల్ల వేలాది మంది రైతు కుటుంబాలకు ఆర్థికంగా ఎంతో మేలు జరుగుతుందని ఆయన ఆశాభావం వ్యక్తం చేశారు.
Rohith is a Chief Editor with 3 years of experience in writing news articles on topics like education, jobs, and politics clear, and engaging stories that are easy to understand and hold the reader’s interest making complex topics accessible and relatable to a larger audience.