వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డి, కడప ఎంపీ వైఎస్ అవినాష్ రెడ్డి సహా 70 మందికి పైగా సభ్యులపై పులివెందుల అర్బన్ పోలీసులు కేసు నమోదు చేశారు. నవంబర్ 1న పులివెందుల మున్సిపల్ కార్యాలయం వద్ద ముందస్తు అనుమతి లేకుండా నిరసన తెలిపారంటూ రఫీక్ ఇచ్చిన ఫిర్యాదు మేరకు ఈ చర్యలు తీసుకున్నారు.
రీపోలింగ్ కోరిన వైఎస్సార్‌సీపీ
పులివెందుల మున్సిపల్ ఎన్నికల్లో అక్రమాలు జరిగాయని ఆరోపిస్తూ మొత్తం 80 పోలింగ్ బూతుల్లోనూ రీపోలింగ్ నిర్వహించాలని జగన్ డిమాండ్ చేశారు. మొత్తం బూతుల్లో కేవలం 10 చోట్ల మాత్రమే తమ పార్టీ ఏజెంట్లను అనుమతించారని, మిగిలిన 70 చోట్ల నిరోధించారని ఆయన ఫిర్యాదులో పేర్కొన్నారు. ఈ పరిణామాల నేపథ్యంలో ఆయన తన ఓటు హక్కును వినియోగించుకోవడానికి నిరాకరించారు.
ఎన్నికల ప్రక్రియ సరిగ్గా జరగలేదని, రీపోలింగ్ పారదర్శకంగా నిర్వహిస్తేనే ఓటు వేస్తామని జగన్ స్పష్టం చేశారు. అలాగే తమ ఆందోళనను అధికారుల దృష్టికి తీసుకెళ్లేందుకే ప్రయత్నించామని, ఈ అంశంపై కోర్టును కూడా ఆశ్రయిస్తామని వైఎస్సార్‌సీపీ నాయకులు వెల్లడించారు.
Rohith is a Chief Editor with 3 years of experience in writing news articles on topics like education, jobs, and politics clear, and engaging stories that are easy to understand and hold the reader’s interest making complex topics accessible and relatable to a larger audience.