Bihar Election Results : బీహార్ ఎన్నికల ఫలితాలు.. దూసుకెళ్తున్న ఎన్డీయే కూటమి

Bihar Election Results : బీహార్ అసెంబ్లీ ఎన్నికల ఫలితాలు ఈరోజు వెలువడనున్నాయి. ఉదయం నుంచే కౌంటింగ్ ప్రారంభం అయింది. ఇప్పటి వరకు విడుదలైన ఓట్ల లెక్కింపు ప్రకారం చూసుకుంటే ఎన్డీఏ కూటమి ముందంజలో ఉంది. ఎగ్జిట్ పోల్స్ చెప్పినట్టుగానే బీహార్ ఫలితాల్లో ఎన్డీఏ దూసుకెళ్తోంది. మ్యాజిక్ ఫిగర్ అయిన 122ను దాటేసిన ఎన్డీఏ 175 స్థానాల్లో లీడ్ లో ఉంది.

ఇక.. మహాగట్ బంధన్ కూటమి 66 స్థానాల్లో ముందంజలో ఉంది. ఎన్డీఏ కూటమిలో బీజేపీ, జేడీయూ రెండు పార్టీలు ఉన్నాయి. మహాగట్ బంధన్ కూటమిలో ప్రాంతీయ పార్టీ ఆర్జేడీ ఉంది. కాంగ్రెస్ పార్టీతో కలిసి ఆర్జేడీ పొత్తు పెట్టుకుంది. మొత్తం 243 సీట్లలో 122 సీట్లు గెలుచుకుంటే బీహార్ ప్రభుత్వాన్ని ఏర్పాటు చేయొచ్చు. ఆదిశగా ఎన్డీఏ మాత్రమే వెళ్తోంది.