Amberpet SI : గత కొన్ని రోజుల నుంచి అంబర్ పేట్ ఎస్ఐ భాను ప్రకాష్ వార్తలు తెగ వైరల్ అవుతున్నాయి. తన సర్వీస్ రివాల్వర్ కుదువ పెట్టడం, రికవరీ చేసిన బంగారాన్ని కుదవ పెట్టడం, ఇలా ఆయన బాగోతాలన్నీ ఒక్కొక్కటిగా బయటపడుతున్నాయి. అయితే.. ఆన్ లైన్ బెట్టింగ్ లో భానుప్రకాశ్ దాదాపు గా కోటిన్నర వరకు లాస్ అయినట్టుగా తెలుస్తోంది. ఆ డబ్బులను అప్పుగా తెచ్చి ఆన్ లైన్ బెట్టింగ్ లో పెట్టినట్టు తెలుస్తోంది. ఇప్పుడు ఆ డబ్బు మొత్తం పోవడంతో అప్పుగా తెచ్చిన డబ్బును తీర్చేందుకు ఇలా అడ్డదారులు తొక్కినట్టు తెలుస్తోంది.
2018 నుంచి ఆన్ లైన్ బెట్టింగ్ చేయడం భాను ప్రకాశ్ కు అలవాటు అయింది. భాను ప్రకాష్ ది ఏపీలోని రాయచోటి. అంబర్ పేట్ పీఎస్ లో క్రైమ్ బ్రాంచ్ ఎస్ఐగా విధులు నిర్వర్తిస్తున్నాడు. ఓ దొంగతనం కేసులో స్వాధీనం చేసుకున్న 4 తులాల బంగారాన్ని కూడా భాను ప్రకాష్ కుదువ పెట్టాడు. ఆ బంగారం యజమాని అడిగితే కనిపించడం లేదని అబద్దం చెప్పాడు. తనకు ఏపీలో వేరే ఉద్యోగం వచ్చిందని ఎస్ఐ ఉద్యోగానికి రిజైన్ చేసి తనను రిలీవ్ చేయాలని ఉన్నతాధికారులను కోరగా సర్వీస్ రివాల్వర్ డిపాజిట్ చేయాలని చెప్పడంతో అసలు భాగోతం బయటపడింది. కుదువ పెట్టిన బంగారాన్ని కూడా జ్యుయెల్లరీ షాప్ నుంచి పోలీసులు రికవరీ చేసి భాను ప్రకాష్ ను అదుపులోకి తీసుకొని విచారిస్తున్నారు.
ఇవి కూడా చదవండి :
- టీమిండియాలో తీవ్ర విషాదం: క్యాన్సర్తో క్రికెటర్ రింకు సింగ్ తండ్రి కన్నుమూత!
- AP BRAGCET 2026: మార్చి 1న పరీక్ష.. మొబైల్లోనే ఇలా డౌన్లోడ్ చేసుకోండి!
- TG PGECET 2026 Notification : పీజీ ఇంజనీరింగ్ విద్యార్థులకు గుడ్ న్యూస్..
- మీ ఫేవరెట్ కలర్ ఏంటి? ఆ రంగును బట్టి మీరెలాంటి వారో ఇట్టే చెప్పేయొచ్చు!
- తెలంగాణకు ఐఎండీ రెయిన్ అలర్ట్: ఒక్కసారిగా మారిన వాతావరణం.. ఆ జిల్లాలకు ఎల్లో వార్నింగ్!