మన పత్రిక వెబ్డెస్క్, హైదరాబాద్: కొత్త వాహనం కొనాలనుకుంటున్న వారికి తెలంగాణ ప్రభుత్వం శుభవార్త చెప్పింది. ఇకపై వాహన రిజిస్ట్రేషన్ కోసం ఆర్టీవో (RTO) కార్యాలయాల చుట్టూ తిరగాల్సిన అవసరం లేకుండా కీలక నిర్ణయం తీసుకుంది. డీలర్ షోరూమ్ల వద్దే శాశ్వత రిజిస్ట్రేషన్ (Permanent Registration) ప్రక్రియను పూర్తి చేసేలా రవాణా శాఖ ఉత్తర్వులు జారీ చేసింది.
ఎలా జరుగుతుంది? గతంలో షోరూమ్లో కేవలం తాత్కాలిక రిజిస్ట్రేషన్ (TR) మాత్రమే జరిగేది. శాశ్వత రిజిస్ట్రేషన్ కోసం స్లాట్ బుక్ చేసుకుని ఆర్టీవో ఆఫీస్కు వెళ్లాల్సి వచ్చేది. కానీ తాజా ఉత్తర్వుల ప్రకారం:
- వ్యక్తిగత వాహనాల (Personal Vehicles) రిజిస్ట్రేషన్ బాధ్యత ఇకపై డీలర్లదే.
- వాహనం అమ్మిన డీలరే శాశ్వత రిజిస్ట్రేషన్ కోసం ఆన్లైన్లో దరఖాస్తు చేసి, పత్రాలను సమర్పిస్తారు.
- ఆర్టీవో అధికారులు ఆన్లైన్లో పరిశీలించి నంబర్ కేటాయిస్తారు. అవసరమైతే షోరూమ్కు వచ్చి వాహనాన్ని తనిఖీ చేస్తారు.
- దీనికి సంబంధించిన సాఫ్ట్వేర్ అప్డేట్ను 15 రోజుల్లో పూర్తి చేయాలని అధికారులను ఆదేశించారు.
దళారులకు చెక్ ఆర్టీవో ఆఫీసుల్లో దళారుల బెడద, లంచాల ప్రవాహానికి అడ్డుకట్ట వేయడానికే ప్రభుత్వం ఈ నిర్ణయం తీసుకుంది. స్లాట్ బుకింగ్ కష్టాలు, క్యూ లైన్లలో నిలబడే ఇబ్బందులు ఇక ఉండవు. ముఖ్యమంత్రి రేవంత్ రెడ్డి ఇటీవల నిర్వహించిన సమీక్షలో ఈ మేరకు ఆదేశాలు జారీ చేయడంతో రవాణా శాఖ ఈ మార్పులు చేసింది.
గమనిక: వాణిజ్య వాహనాలకు (Commercial Vehicles) మాత్రం పాత పద్ధతిలోనే ఆర్టీవో ఆఫీస్కు వెళ్లి రిజిస్ట్రేషన్ చేసుకోవాల్సి ఉంటుంది.
ఇవి కూడా చదవండి :
- గురు పుష్య యోగం.. 12 రాశుల వారి నేటి ఫలితాలు
- ఏపీలో విద్యార్థులందరికీ దివ్యాంగ స్క్రీనింగ్.. టైమ్లైన్ విడుదల
- Tesla Hyderabad: హైటెక్ సిటీలో ఎక్స్పీరియన్స్ సెంటర్ ప్రారంభం
- Railway Ticket Sprocket Holes: పాత రైల్వే టికెట్లపై ‘స్ప్రోకెట్ హోల్స్’ ఎందుకు ఉండేవంటే?
- Vijay Deverakonda Cricket League Issue: టీజీ టీ20 టోర్నీకి అనుమతులు లేవు