పాముతో పోలీసులకు చుక్కలు.. డ్రంక్ అండ్ డ్రైవ్ లో ఆటో డ్రైవర్ హల్​చల్!

మన పత్రిక వెబ్​డెస్క్, హైదరాబాద్: డ్రంక్ అండ్ డ్రైవ్ తనిఖీల్లో ఓ ఆటో డ్రైవర్ వింతగా ప్రవర్తించాడు. తన ఆటోను సీజ్ చేయొద్దంటూ ఏకంగా పామును బయటకు తీసి పోలీసులనే భయపెట్టాడు. ఈ ఘటన శనివారం రాత్రి చాంద్రాయణగుట్ట పరిధిలో చోటుచేసుకుంది.

సయ్యద్ ఇర్ఫాన్ అనే ఆటో డ్రైవర్ మద్యం మత్తులో (110 పాయింట్లు) పట్టుబడ్డాడు. పోలీసులు ఆటోను సీజ్ చేయబోగా, వెంట తెచ్చుకున్న పామును చూపిస్తూ ట్రాఫిక్ ఎస్సైని బెదిరించాడు. ఆటో ఇస్తారా? లేక పామును మీపై వేయమంటారా? అంటూ వీరంగం సృష్టించాడు. చివరకు అది చనిపోయిన పాము అని, తన అక్కలను భయపెట్టడానికి తెచ్చానని అతను తెలిపాడు.