Today Rasi Phalalu : రాశి ఫలాలు – 19 డిసెంబర్ 2025 Horoscope in Telugu

మన పత్రిక, వెబ్​డెస్క్: మేష రాశి వారికి ఈరోజు ప్రారంభించిన పనుల్లో కొన్ని ఆటంకాలు ఎదురైనా, వాటిని అధిగమించేందుకు గట్టి ప్రయత్నం చేస్తారు. కొందరి ప్రవర్తన మీకు కాస్త బాధ కలిగించే అవకాశం ఉంది. కుటుంబంలో చిన్నపాటి సమస్యలు రావచ్చు. ముఖ్యంగా కోపాన్ని తగ్గించుకుంటే మంచిది. శివధ్యానం చేయడం వల్ల శుభ ఫలితాలు ఉంటాయి.

వృషభ రాశి వారు చక్కటి ఆలోచనా విధానంతో అనుకున్నది సాధిస్తారు. నూతన కార్యక్రమాలకు శ్రీకారం చుడతారు. సమాజంలో మీ కీర్తిప్రతిష్టలు పెరుగుతాయి. ఈశ్వరారాధన శ్రేయస్కరం.

మిథున రాశి వారు కీలక వ్యవహారాల్లో పెద్దలను కలుస్తారు, తద్వారా నిర్ణయాలు మీకు అనుకూలంగా వస్తాయి. ఆధ్యాత్మిక కార్యక్రమాల్లో పాల్గొంటారు. అయితే అనవసరమైన ధన వ్యయం సూచితం. బంధువులతో వాదనలకు దిగడం వల్ల విభేదాలు వచ్చే ఆస్కారం ఉంది కాబట్టి జాగ్రత్త వహించాలి. ఈశ్వర స్తోత్రం పారాయణ మంచిది.

కర్కాటక రాశి వారికి ధర్మసిద్ధి ఉంది. బంధువుల సహకారం పూర్తిగా అందుతుంది. ఒక శుభవార్త మీలో మనోధైర్యాన్ని నింపుతుంది. సమాజంలో పేరుప్రతిష్టలు పెరుగుతాయి. ఎలాంటి పరిస్థితుల్లోనూ దైవారాధన మరువకండి.

సింహ రాశి వారికి వృత్తి, ఉద్యోగ, వ్యాపార రంగాల్లో అనుకూల ఫలితాలు ఉన్నాయి. మీ తెలివితేటలతో ఆలోచించి కొన్ని కీలకమైన పనులను సమర్థవంతంగా పూర్తి చేయగలుగుతారు. శ్రీ ప్రసన్నాంజనేయ స్తోత్రం పారాయణ చేయడం మంచిది.

కన్య రాశి వారు కొత్తగా ప్రారంభించబోయే పనుల్లో అలసట పెరగకుండా చూసుకోవాలి. అస్థిరమైన బుద్ధి వల్ల ఇబ్బందులు పడే అవకాశం ఉంది. కీలక సందర్భాల్లో పెద్దలు చెప్పే అనుభవ సూత్రాలు మీకు అమృత గుళికల్లా పనిచేస్తాయి. మనోవిచారం కలిగించే సంఘటనలకు దూరంగా ఉండటం మంచిది. శివారాధన మేలు చేస్తుంది.

తుల రాశి వారికి గ్రహబలం చాలా బాగుంది. అదృష్ట ఫలాలు అందుతాయి. అధికారులు మీకు అనుకూలమైన నిర్ణయం తీసుకుంటారు. కీలక వ్యవహారాలు కలిసి వస్తాయి. బంధుమిత్రులతో ఆనందంగా గడుపుతారు. శివపార్వతుల దర్శనం శుభప్రదం.

వృశ్చిక రాశి వారు భవిష్యత్తు ప్రణాళికలను అమలు చేస్తారు. ఇష్టమైన వారితో సమయాన్ని గడుపుతారు. మనోధైర్యంతో చేసే పనులు కలిసి వస్తాయి. ఓర్పు తగ్గకుండా చూసుకోవడం ముఖ్యం. కుటుంబ సభ్యుల సహకారం లభిస్తుంది. ఈశ్వర సందర్శనం మంచిది.

ధనుస్సు రాశి వారు ప్రారంభించిన కార్యక్రమాల్లో విజయం సాధిస్తారు. మనోబలంతో చేసే పనులు కొత్త శక్తిని ఇస్తాయి. పై అధికారుల సహకారం ఉంటుంది. ఆర్థికంగా లాభం ఉంది. శత్రువులు కూడా మిత్రులుగా మారుతారు. చంద్రమౌళీశ్వర స్తోత్రం పఠించడం శుభప్రదం.

మకర రాశి వారు పనుల్లో జాప్యం జరగకుండా చూసుకోవాలి. కుటుంబ బాధ్యతలు పెరిగి, ఒక పరీక్షలా వాటిని ఎదుర్కోవాల్సి వస్తుంది. మీ అంచనాలు తప్పే అవకాశం ఉంది. విలువైన వస్తువుల విషయంలో అజాగ్రత్త పనికిరాదు. లింగాష్టకం చదవడం మంచిది.

కుంభ రాశి వారికి ఆశించిన ఫలితాలు దక్కుతాయి. సన్నిహితుల వల్ల మేలు జరుగుతుంది. ముఖ్యమైన విషయాల్లో మీ మనసు చెప్పినట్లు నడుచుకుంటే సత్ఫలితాలు సాధిస్తారు. ఇంతకాలం పడిన శ్రమ ఒక కొలిక్కి వస్తుంది. ఆధ్యాత్మిక కార్యక్రమాల్లో పాల్గొంటారు. ఈశ్వరుడిని పూజించడం వల్ల మంచి ఫలితాలు ఉంటాయి.

మీన రాశి వారు ప్రారంభించబోయే పనుల్లో ఏకాగ్రత తగ్గకుండా చూసుకోవాలి. బంధువులతో ఆచితూచి వ్యవహరించడం మంచిది. ఆర్థిక విషయాల్లో ఖర్చులు పెరగకుండా నియంత్రించుకోవాలి. శివ పంచాక్షరీ స్తోత్రం చదవడం వల్ల ఆపదలు తొలగి మేలు జరుగుతుంది.