Chain Snatching : పట్టపగలే హైదరాబాద్‌లో చైన్ స్నాచింగ్

Chain Snatching : హైదరాబాద్ నగరంలో పట్టపగలే చైన్ స్నాచింగ్ ఘటన చోటు చేసుకుంది. శామీర్ పేట పోలీస్ స్టేషన్ పరిధిలోని తూంకుంట రోడ్డుపై ఈ ఘటన జరిగింది. తూంకుంట రోడ్డుపై ఓ మహిళ నడుచుకుంటూ వెళ్తుండగా.. బైక్ పై వచ్చిన ఇద్దరు వ్యక్తులు ఆమెకు దగ్గరగా బైక్ పోనిచ్చి ఆమె మెడలోని గొలుసును లాక్కొని పరారయ్యారు.

వెంటనే తేరుకున్న ఆ మహిళ వాళ్ల వెంట పరిగెత్తినప్పటికీ ఫలితం లేకపోయింది. ఈ ఘటన పక్కనే ఉన్న మెడికల్ షాపులో రికార్డయింది. బాధితురాలి ఫిర్యాదు మేరకు సీసీటీవీ ఫుటేజ్ ఆధారంగా పోలీసులు దర్యాప్తు చేస్తున్నారు.