Mustabad | వర్షంలోనూ యూరియా కోసం రైతుల చెప్పుల లైన్

మన పత్రిక, వెబ్​డెస్క్ : ముస్తాబాద్ ( Mustabad ) మండలంలోని పోతుగల్లో గురువారం రైతులు యూరియా బస్తాల కోసం వర్షంలోనూ ఇబ్బందులు పడ్డారు. గ్రామానికి యూరియా రాబోతుందని తెలిసిన వెంటనే రైతులు ఉదయం 5 గంటల నుంచే క్యూలో నిలబడ్డారు.

సుమారు 400 మంది రైతులు తమ చెప్పులను క్యూలో పెట్టి స్థానం సురక్షితం చేసుకున్నారు. వర్షం కురుస్తున్నా కూడా ఎవరూ వెళ్లకుండా నిలబడి ఉన్నారు. సకాలంలో యూరియా లభించకపోతే పంటకు నష్టం జరుగుతుందని పలువురు రైతులు ఆందోళన వ్యక్తం చేశారు. పొలాలకు ఎదురైన పరిస్థితుల్లో యూరియా పంపిణీ సకాలంలో జరగాలని రైతులు కోరుతున్నారు. ప్రస్తుత పరిస్థితి వారికి ఇంకా ఎక్కువ ఇబ్బందులు తీసుకురావడంతో అధికారులపై ఒత్తిడి పెరుగుతోంది.