తేజ సజ్జ ‘మిరాయ్’ ఓటీటీలోకి

Mirai movie ott release: యంగ్ హీరో తేజ సజ్జ ( Teja Sajja ) వరుస బ్లాక్‌బస్టర్లతో దూసుకెళ్తున్నాడు. గతేడాది ‘హనుమాన్’తో సూపర్ డూపర్ హిట్ కొట్టిన తేజ, ఈ ఏడాది ‘మిరాయ్’ ( Mirai ) తో మరో ఘన విజయం నమోదు చేసుకున్నాడు. 60 కోట్ల బడ్జెట్‌తో విజువల్ వండర్‌గా తెరకెక్కిన ఈ చిత్రం, బాక్సాఫీస్‌లో 150 కోట్ల కలెక్షన్లు రాబట్టింది. సెప్టెంబర్ 12న థియేటర్లలో విడుదలైన ఈ సినిమా, నెల తిరిగేలోపే ఓటీటీలోకి వస్తోంది.

జియో హాట్‌స్టార్ అధికారికంగా ప్రకటించిన వివరాల ప్రకారం, అక్టోబర్ 10న తెలుగుతో పాటు తమిళ, మలయాళ, కన్నడ భాషల్లో అందుబాటులోకి రానుంది. ఈ సినిమాను కార్తీక్ ఘట్టమనేని దర్శకత్వం వహించారు. టీజీ విశ్వప్రసాద్ నిర్మించారు. రితికా నాయక్ హీరోయిన్, మంచు మనోజ్ విలన్‌గా నటించారు. శ్రియ, జగపతిబాబు తదితరులు కీలక పాత్రలు పోషించారు.

ఓటీటీలో ఎన్ని రికార్డులు సృష్టిస్తుందో చూడాలి!