కోనరావుపేటలో బతుకమ్మ వేడుకలు – పాఠశాల మైదానంలో సంస్కృతి జ్వాల

చిన్నారుల చేతిలో సంస్కృతి జ్వాల
MPPS కోనరావుపేట ( MPPS Konaraopet Rajanna Sircilla ) పాఠశాలలో విద్యార్థులు రంగురంగుల పువ్వులతో బతుకమ్మలను తయారు చేశారు. ఈ విజువల్ ఫెస్టివల్ ద్వారా తెలంగాణ సాంస్కృతిక వారసత్వాన్ని పిల్లలకు పరిచయం చేశారు. విద్యార్థినులు, వారి తల్లులు కలిసి తెలంగాణ సాంస్కృతిక పాటలకు కోలాటాలు వేశారు. ఆనందం, సంప్రదాయం, ఏకతాటిపై నృత్యంతో పాఠశాల మైదానం మారుమోగింది.

ఉపాధ్యాయులు, అధికారులు సంతోషంగా పాల్గొన్నారు
మండల విద్యాధికారి మురళి నాయక్ ముఖ్య అతిథిగా హాజరయ్యారు. ప్రధానోపాధ్యాయులు మదన్ లాల్ సహా ఉపాధ్యాయులు విజయ్ కుమార్, భాస్కర్, రాము, వెంకటేష్, సంజీవ్, శృతి, అనూష, రాధా కూడా ఈ కార్యక్రమంలో పాల్గొని ప్రోత్సహించారు.