సినీ పరిశ్రమలోకి రాకముందు తాను యోగా ఇన్స్ట్రక్టర్గా పనిచేసిన విషయాన్ని ప్రముఖ నటి అనుష్క శెట్టి పంచుకున్నారు. సినిమాల్లోకి రాకముందు ఆరు సంవత్సరాల పాటు యోగా టీచర్గా ఉన్నానని, అప్పట్లో తన సంపాదన చాలా తక్కువగా ఉండేదని తెలిపారు. డబ్బు సంపాదన తన ప్రధాన లక్ష్యం కాదని, కుటుంబ సభ్యులకు మరియు స్నేహితులకు అవసరమైన సాయం అందించడమే ముఖ్యమని భావించేదాన్ని అని ఆమె పేర్కొన్నారు.
పురి జగన్నాథ్ కలయిక మరియు మొదటి సినిమా అవకాశం
దర్శకుడు ఈ నివాస్ భార్య, తన యోగా స్నేహితురాలు తో పాటు పూరి జగన్నాథ్ టీమ్కు చెందిన శ్రీను ప్రోత్సాహంతో అనుష్కకు మొదటి సినిమా అవకాశం వచ్చింది. ప్రారంభంలో చాలా సిగ్గుపడిన అనుష్క, పూరి జగన్నాథ్ను కలవడానికి మొదట నిరాకరించినట్లు వెల్లడించారు. ఆ తర్వాత అందరి ప్రోత్సాహంతో ఆయన్ను కలిసేందుకు అంగీకరించారు. సినిమాలపై పెద్దగా అవగాహన లేకపోవడంతో తన వద్ద ఉన్న పాస్పోర్ట్ సైజ్ ఫోటోను మాత్రమే పూరి జగన్నాథ్కు ఇచ్చినట్లు ఆమె తెలిపారు.
పూరి జగన్నాథ్ ఆమెను హైదరాబాద్ రమ్మని కోరినప్పుడు, తన వద్ద ఉన్న యోగా క్లాసుల బాధ్యతల వల్ల ఆ ప్రయాణాన్ని వాయిదా వేసుకున్నానని అనుష్క చెప్పారు. తన విద్యార్థుల పట్ల ఉన్న బాధ్యత వల్లే క్లాసులు పూర్తి చేసుకుని ఆ తర్వాత హైదరాబాద్ వెళ్లినట్లు స్పష్టం చేశారు. అలా అనుకోకుండా జరిగిన ఆ పరిచయమే తన జీవితంలో పెద్ద మలుపుగా మారిందని ఆమె వివరించారు.

Rajendar Degavath has three years of experience in content writing across education, employment, politics, technology, entertainment, and current affairs. He focuses on creating reliable, reader-friendly stories that explain important topics in simple language.
