టోలీవుడ్ నటుడు రవితేజ తన కొత్త తెలుగు చిత్రం తులాభారం షూటింగ్‌ను హైదరాబాద్‌లో ప్రారంభించారు. వివేక్ ఆత్రేయ దర్శకత్వం వహిస్తున్న ఈ క్రైమ్ కామెడీ ఎంటర్‌టైనర్ సెట్స్‌లో అక్టోబర్ 28న రవితేజ అడుగుపెట్టారు. ఈ క్రేజీ కాంబినేషన్ సినిమాపై అభిమానుల్లో ప్రత్యేక ఆసక్తి నెలకొంది.
క్రైమ్ మహారాజా పాత్రలో రవితేజ
ఈ సినిమాలో రవితేజను క్రైమ్ మహారాజాగా పరిచయం చేస్తున్నారు. ఇటీవల విడుదల చేసిన టైటిల్ డాక్యుమెంటరీ ద్వారా సినిమా శైలి, ప్రధాన పాత్రలపై స్పష్టతనిచ్చారు. ఈ ప్రాజెక్ట్‌లో ప్రియాంక మోహన్, అనస్వర రాజన్ కథానాయికలుగా నటిస్తుండగా.. తరుణ్ భాస్కర్, జేడీ చక్రవర్తి, అనిల్ కారెళ్ల, రవి ఆంటోనీ ఇతర ముఖ్య పాత్రల్లో కనిపించనున్నారు.
బ్రిడ్జ్ ప్రొడక్షన్స్ పతాకంపై లక్ష్మణ్, శ్రీనిరావు నిర్మిస్తున్న ఈ చిత్రానికి వివేక్ సాగర్ సంగీతాన్ని సమకూరుస్తున్నారు. ప్రస్తుతం శరవేగంగా చిత్రీకరణ జరుపుకుంటున్న ఈ సినిమాను 2027 వేసవిలో విడుదల చేయడానికి చిత్రబృందం ప్రణాళికలు సిద్ధం చేస్తోంది.
Farooq Basha is a content writer with two years of experience covering education, jobs, politics, technology, entertainment, and current affairs. He writes clear, accurate, and easy-to-understand articles for everyday readers.